Jańa ortalyqtyń jalpy aýdany – 724,1 sharshy metrdi quraıdy. Ǵımarat zamanaýı úlgide jabdyqtalǵan, jastardyń shyǵarmashylyq jáne jeke damýyna qajetti barlyq jaǵdaı jasalǵan. Munda keńes berý kabınetteri, kovorkıng jáne «open space» aımaǵy, shyǵarmashylyq stýdııa, demalys oryndary, 3h3 strıtbol men strıt vorkaýt alańdary, balalar oıyn alańy jáne volonterlar shtaby bar.
О́ńir basshysy óz sózinde Memleket basshysy Qasym-Jomart Toqaevtyń bastamasymen elimizde jastar saıasatyn damytýǵa, olardyń áleýetin ashýǵa jáne qoǵam ómirine belsene aralasýyna erekshe kóńil bólinip otyrǵanyn atap ótti.
«Jastar – eldiń bolashaǵy. Olardyń bastamalaryna qoldaý kórsetý, ıdeıalaryn júzege asyrýǵa múmkindik berý – bizdiń basty mindetimiz. Jańa ortalyq aýdan jastarynyń basyn biriktirip, olardyń áleýetin damytýǵa, azamattyq belsendiligin arttyrýǵa qyzmet etedi dep senemiz», dedi Nurdáýlet Qılybaı.
Aıta keteıik, Qaraqııa aýdanynda búginde 14 pen 35 jas aralyǵyndaǵy 11 463 jas bar, bul aýdan halqynyń 31 paıyzyn quraıdy.
