Is-sharada Qazaqstan jáne Túrkııa eliniń ánurandary oryndaldy. Túrkııa Respýblıkasynyń Aqtaý qalasyndaǵy Bas konsýldyǵy uıymdastyrǵan is-sharaǵa Mańǵystaý oblystyq máslıhat tóraǵasy Jańbyrbaı Mataev, Mańǵystaý oblysy ákiminiń orynbasary Abbat О́risbaev, Túrkııa Respýblıkasynyń Aqtaý qalasyndaǵy bas konsýly Sabrı Alptekın, halyqaralyq bochcha týrnıriniń qatysýshylary jáne ózge de qonaqtar qatysty.
Is-shara barysynda oblys ákiminiń orynbasary Abbat О́risbaev sóz sóılep, qos el arasyndaǵy yntymaqtastyń damyp kele jatqanyn atap ótti.
«Qazaqstan memleketiniń táýelsizdigin alǵash ret moıyndaǵan Túrkııa memleketi. Sodan beri eki el arasyndaǵy qarym-qatynas odan ári damyp kele jatyr. Túrkııanyń dárigerleri aqtaýlyqtarǵa tegin medısınalyq keńes berý boıynsha jobalaryn iske asyrý qarastyryldy. Mańǵystaýdyń medısına mamandary Túrkııaǵa baryp kásibı biliktiligin jetildirdi. Bul jumystar qos el arasyndaǵy yntymaqtastyqtyń damyp kele jatqandyǵyn kórsetedi. Túrkııa Respýblıkasynyń qurylýyna 102 tolýymen quttyqtaımyn», dedi Abbat О́risbaev.
Is-shara barysynda Túrkııa Respýblıkasynyń Aqtaý qalasyndaǵy bas konsýly Sabrı Alptekın Túrkııa halqy úshin aıtýly kúnniń mańyzyn atap ótti.
«1919 jyly 19 mamyrda uly kósemimiz Mustafa Kemaldyń túrik ultyna senim artyp, Samsýn qalasynda bostandyq pen táýelsizdik úshin kúresti bastaǵanyna 105 jyl toldy. Túrkııanyń baǵyna bitken álemge áıgili biregeı tulǵa Mustafa Kemal Atatúriktiń eren erligimen 1923 jyly 29 qazanda Túrkııa Respýblıkasy quryldy. Otan úshin janyn pıda etken barlyq sheıitter men ardagerlerdi, Gazı Mustafa Kemal Atatúrik pen onyń qarýlas joldastaryn alǵyspen eske alamyn. Búgingi tańda Túrkııa Respýblıkasynyń Prezıdenti Rejep Taıyp Erdoǵan myrzanyń jetekshiligimen Túrkııa memleketi álemde beıbitshilikti ornatýǵa umtylatyn, aımaqtyq jáne álemdik máselelerdi sheshýge basymdyq beretin, adamzattyń ıgiligi úshin barynsha kúsh salatyn jetekshi elderdiń birine aınaldy», dedi Sabrı Alptekın.
Mańǵystaý oblysy
