Sýret: primeminister.kz
Sport kesheninde olımpıadalyq standarttyń sertıfıkattalǵan quraldarymen jabdyqtalǵan boks, kúres, aýyr atletıka jáne krossfıtke arnalǵan zaldar salynady. Bul Kókshetaýda respýblıkalyq, álemdik deńgeıdegi IBA jarystaryn ótkizýge múmkindik beredi.
Sport kesheniniń aýmaǵynda eki fýtbol alańy, ıadro men naıza laqtyrýǵa arnalǵan alań, oıyn-jattyǵý aımaqtary, ámbebap sport alańdary, jeńil atletıka aımaǵy ornalasatyn bolady. Halyqtyń mobıldiligi tómen toptary úshin arnaıy qural-jabdyqtar qarastyrylǵan. Budan bólek, órt-qoldanbaly sport túrlerine arnalǵan skalodrom men munarasy bar ámbebap sport zalyn ashý josparlanyp otyr. Munda kásibı qutqarýshylardy daıarlaıtyn Azamattyq qorǵaý akademııasynyń kýrsanttary ózderiniń kásibı daǵdylaryn arttyra alady.
Mádenı-buqaralyq is-sharalarǵa arnalǵan zamanaýı mýltımedııalyq júıeleri bar 650 oryndyq zal da qoldanysqa beriledi. Nysanda negizgi qurylys jumystary aıaqtaldy, ishki árleý, abattandyrý jáne ınjenerlik jeliler júrgizilip jatyr. Nysannyń jalpy daıyndyǵy – 85%. Osy jyldyń aıaǵyna deıin paıdalanýǵa berý josparlanǵan.
