Jobanyń biri – ıkemdi polımerli armatýralanǵan qubyrlar shyǵaratyn ınnovasııalyq seh. 3,5 mlrd teńge kóleminde ınvestısııa salynǵan bul joba elimizdegi alǵashqy lokalızasııalanǵan óndiris orny. Munaı-gaz, hımııa ónerkásibiniń qajettilikterine baǵyttalǵan sehtyń óndiristik qýaty jylyna 300 shaqyrymǵa deıin qubyr óndirýge múmkindik beredi. Bolat pen sorap-kompressorlyq qubyrlardyń ishki betine antıkorrozııalyq jabyn jaǵýǵa arnalǵan ekinshi sehtyń jobalyq ınvestısııa kólemi – 5 mlrd teńge, óndiristik qýaty jylyna 600 shaqyrymǵa deıin qubyr óndirýge múmkindik beredi. О́nim munaı, gaz ben joǵary qysymdaǵy hımııalyq suıyqtyqtardy tasymaldaý kezinde paıdalanylady.
– Mundaı óndiris oryndarynyń ashylýy óńirdiń ekonomıkalyq damýyna serpin beredi. Bul – jańa jumys oryndary men jergilikti kadrlardyń damýyna múmkindik. Eń bastysy, otandyq óndiristi damytý arqyly elimizdiń ónerkásiptik táýelsizdigin nyǵaıtamyz, – dedi oblys ákimi.
Eki jańa joba aıasynda 125 jańa jumys orny quryldy, óndiris tolyq iske qosylǵanda taǵy 25 adamdy jumysqa ornalastyrý josparlanyp otyr.
Mańǵystaý oblysy
