Kelissózder barysynda Dúnıejúzilik bank ókilderi qoljetimdi nesıe quraldaryn usyndy. Olar qarjylandyrý sharttary men paıyzdyq mólsherlemeler týraly aqparat berdi. «Báıterek» ulttyq basqarýshy holdıngi memlekettik organdarmen birge 2029 jylǵa deıingi iri jobalar tizimin ázirlep jatyr. Bul jobalar tolyq talqylaý jáne kelisý úshin Dúnıejúzilik bankke jiberiledi.
Taraptar sýmen jabdyqtaý men sý burý júıelerin damytý máselesin de qarastyrdy. Elimizde birneshe iri sý arnasy zertteldi. Sýmen jabdyqtaý jáne sý burý qyzmetterin damytý boıynsha jol kartasy daıyndaldy. Dúnıejúzilik bank qarjysy gıdravlıkalyq júıelerdi ornatýǵa, sý arnalaryn avtomattandyrýǵa jáne sıfrlandyrýǵa jumsalmaq. Alǵashqy jobalar Astana, Aqtaý, Petropavl, Taldyqorǵan, Saryaǵash, Tekeli jáne Qosshy qalalarynda júzege asady.
Aldaǵy ýaqytta melıorasııa júıelerin, jylý men energetıkalyq jelilerdi jańǵyrtýǵa baǵyttalǵan taǵy eki jol kartasy daıyndalady. Kezdesý sońynda Qanat Bozymbaev Dúnıejúzilik bankke alǵysyn aıtty. Ol bank tobynyń strategııalyq ınfraqurylym nysandaryn jańǵyrtýǵa qatysýǵa daıyn ekenin joǵary baǵalady.
