Sýretterdi túsirgender – A.Dúısenbaev, E.ÚKIBAEV
Donald Tramp Ákimshiliginiń ókilderimen kezdesti
Qasym-Jomart Toqaevtyń Vashıngtonǵa sapary Memlekettik hatshy Mark Rýbıomen, Saýda mınıstri Govard Latnıkpen, sondaı-aq AQSh Prezıdentiniń Ońtústik jáne Ortalyq Azııadaǵy arnaıy ókili Serdjıo Gormen kezdesýden bastaldy.
Basqosýǵa qatysýshylar ekijaqty jáne óńirlik kún tártibiniń basty aspektileri jóninde pikir almasty.
Memleket basshysy Qazaqstan men AQSh úshin jańa jumys oryndaryn ashýǵa, ónerkásip pen bıznesti qoldaýǵa septigin tıgizetin ekonomıkalyq yqpaldastyq arqyly strategııalyq seriktestikti odan ári nyǵaıtýǵa oraıly múmkindik týǵanyn atap ótti.
Prezıdenttiń aıtýynsha, elimiz AQSh-pen túrli deńgeıde belsendi saıası baılanys ornatqan ári san qyrly yntymaqtastyqty tereńdetý boıynsha konstrýktıvti dıalog júrgizýge daıyn.
Qasym-Jomart Toqaevtyń qatysýymen Qazaqstan Respýblıkasy men Amerıka Qurama Shtattary arasynda asa mańyzdy mıneraldar salasy boıynsha yntymaqtastyq jónindegi ózara túsinistik týraly memorandýmǵa qol qoıyldy. Qujatqa Qazaqstannyń О́nerkásip jáne qurylys mınıstri Ersaıyn Naǵaspaev pen AQSh Saýda mınıstri Govard Latnık qol qoıdy.
Otandyq IT startaptar tanystyryldy
Qasym-Jomart Toqaev Vashıngtonǵa sapary aıasynda halyqaralyq naryqqa shyqqan otandyq IT startaptardyń negizin qalaýshylarmen kezdesti.
Prezıdentke elimizdiń alǵashqy «syńarmúıiz» startaby – Higgsfield AI jasandy ıntellektige negizdelgen kınematografııalyq sapaly beıneni generasııalaýǵa arnalǵan platformasy, Deep Infra – mashınalyq oqytý modelderin ornalastyrýǵa ári iske qosýǵa arnalǵan qyzmet, Valinor – bıotehnologııa salasyndaǵy startap, ARC Drones – avtonomdy drondardy ázirleýshi, sondaı-aq basqa da keleshegi zor jobalar tanystyryldy.
Qasym-Jomart Toqaevqa Silkroad Innovations tehnologııa habynyń qyzmeti týraly aqparat berildi. Ol Kremnıı alqabynda Ortalyq Azııa elderiniń talantty jastary men startaptaryna qoldaý kórsetedi.
Kezdesýge jalpy quny 1,4 mlrd dollardy quraıtyn 20-dan asa startap ókili qatysty. Bul ulttyq IT ekojúıesiniń ınnovasııalyq áleýetin tanytady.
Memleket basshysy joǵary tehnologııa salasyndaǵy otandyq kompanııalardyń jetistikterin joǵary baǵalap, aldaǵy úsh jylda Qazaqstandy tolyq sıfrlyq elge aınaldyrý jónindegi strategııalyq mindettiń mańyzyn atap ótti.
– Prezıdent retinde barshańyzdy qoldaımyn. Jumystaryńyz elimizdiń bolashaǵy úshin óte qajet. Sıfrlandyrý men HighTech memleketimizdiń basty basymdyqtarynyń biri sanalady. Men bul týraly Joldaýymda aıttym, – dedi Qasym-Jomart Toqaev.
Amerıkalyq kongressmenderdi qabyldady
Memleket basshysy AQSh Kongresi О́kilder palatasynyń músheleri Djımmı Panettamen, Kerol Mıllermen, Bıll Haızengamen jáne Sıdnı Kamlager-Davpen kezdesti.
Prezıdent AQSh Kongresi Qazaqstanmen dostyq baılanysty nyǵaıtýda mańyzdy ról atqaratynyn atap ótip, Parlament múshelerine eki el arasyndaǵy keńeıtilgen strategııalyq seriktestikti ilgeriletýge qosqan úlesi úshin alǵys aıtty.
Qasym-Jomart Toqaev Kongrestegi Djımmı Panetta basqaratyn «AQSh – Qazaqstan» dostyq toby (kokýs) qos halyq arasyndaǵy saıası dıalogti tereńdetýge, ekonomıkalyq kooperasııa men baılanystar aıasyn keńeıtýge yqpal etip otyrǵanyna nazar aýdardy.
AQSh – Qazaqstannyń eń iri ekonomıkalyq seriktesteriniń biri. Qurama Shtattar elimizdiń ekonomıkasyna 100 mlrd dollardan asa ınvestısııa saldy. Bul – Ortalyq Azııaǵa baǵyttalǵan jalpy ınvestısııa kóleminiń 80 paıyzy.
Sonymen qatar Prezıdent kongressmenderge elimizde júrgizilip jatqan jan-jaqty saıası jáne ekonomıkalyq jańǵyrýlar jóninde áńgimeledi.
Kongress músheleri Qazaqstannyń áleýetine joǵary baǵa berip, eki el arasyndaǵy san qyrly baılanystardyń damýyna qoldaý kórsetetinderin jetkizdi.
Qasym-Jomart Toqaev oraıly sátti paıdalanyp, Amerıka parlamentiniń ókilderin eki eldiń ózara tıimdi yntymaqtastyǵyn keńeıtý maqsatynda Qazaqstanǵa saparlap kelýge shaqyrdy.
«Chevron» úlesine joǵary baǵa berdi
Osy kúni Prezıdent Qasym-Jomart Toqaev «Chevron» korporasııasy dırektorlar keńesiniń tóraǵasy Maıkl Ýırtti qabyldady.
Memleket basshysy Teńiz ben Qarashyǵanaq ken oryndaryndaǵy munaı men gazdy ıgerý boıynsha aýqymdy jobalardy júzege asyrýǵa «Chevron» korporasııasynyń qosqan úlesine joǵary baǵa berdi. Sondaı-aq Qazaqstan tarapynyń shıkizatty óndirý, óńdeý jáne tasymaldaý salalaryndaǵy ózara tıimdi yntymaqtastyqty jalǵastyrýǵa daıyn ekenin rastady.
AQSh senatoryn «Dostyq» ordenimen marapattady
Sonymen qatar Qasym-Jomart Toqaev amerıkalyq senator Stıv Deınsti qabyldady.
Respýblıkalyq partııadan saılanǵan senatormen kezdesýde qazaq-amerıka qatynastaryn nyǵaıtýǵa parlamenttik dıplomatııanyń qosqan úlesi talqylandy.
Memleket basshysy AQSh senatorynyń Qazaqstanǵa shynaıy tilektes ekenin atap ótip, Respýblıka kúnine oraı Kongrestiń resmı málimdeme jasaǵany úshin rızashylyq bildirdi. Bul – elderimiz arasyndaǵy burynnan kele jatqan strategııalyq seriktestiktiń dáleli.
Qasym-Jomart Toqaev pen Stıv Deıns ekijaqty kún tártibiniń basym baǵyttary jóninde pikir almasyp, qos halyqtyń ıgiligi úshin Qazaqstan men Amerıka Qurama Shtattarynyń strategııalyq seriktestigin nyǵaıtýǵa baǵyttalǵan birlesken jumysty jalǵastyrýǵa daıyn ekenderin rastady.
Kezdesý sońynda Prezıdent Qazaqstan men AQSh arasyndaǵy baılanysty nyǵaıtýǵa qosqan úlesi úshin senator Stıv Deınsti I dárejeli «Dostyq» ordenimen marapattaý týraly sheshim qabyldaǵanyn jetkizdi.
Agroónerkásipti damytatyn tıimdi yntymaqtastyq
Qasym-Jomart Toqaev «John Deere» kompanııasynyń TMD jáne Ortalyq Azııa elderi boıynsha prezıdenti Chabo Leıkomen kezdesti.
Qazaqstan Prezıdenti «John Deere» kompanııasymen seriktestikti zamanaýı jáne tıimdi aýyl sharýashylyǵy keshenin damytýǵa ortaq umtylysty kórsetetin óndiristik kooperasııanyń tabysty úlgisi dep atady.
Memleket basshysy «John Deere» kompanııasynyń Qazaqstannyń «Agromash» zaýytymen seriktestik ornata otyryp, agroónerkásip keshenine arnalǵan tehnıka óndirisiniń lokalızasııasy týraly qabyldaǵan sheshimin qoldady. Bul yntymaqtastyq qazirdiń ózinde oń nátıje berip otyr.
О́ndiris iske qosylǵan bıylǵy mamyr aıynan beri 290 birlikten asa tehnıka qurastyrylǵan. Jyl sońyna deıin taǵy 100 tehnıka shyǵarylady dep josparlanyp otyr.
Qasym-Jomart Toqaev sapar aıasynda jalpy quny 2,5 mlrd dollarǵa baǵalanǵan Strategııalyq seriktestik týraly kelisimge qol qoıylǵanyn quptady.
Qujat boıynsha «AgromashHoldıng KZ» AQ 5 jyl ishinde kem degende 3 myń «John Deere» aýyl sharýashylyǵy tehnıkasyn óndirýdi, keminde 3 servıs ortalyǵyn ashýdy, sondaı-aq mamandardy oqytý júıesin damytýdy qarastyrady.
