Foto: gov.kz
Keıingi eki aıda óńirlerdegi 300 myńǵa jýyq pedagog jasandy ıntellektini tıimdi paıdalaný boıynsha onlaın kýrstan ótken. Kýrs barysynda muǵalimder jasandy ıntellekt quraldaryn tıimdi ári etıkalyq turǵydan durys qoldaný daǵdylaryn úırengen. Atap aıtqanda, oqý materıaldaryn, testilerdi, ıllıýstrasııalar men sabaq josparlaryn jyldam ári sapaly ázirleýdi meńgergen.
«Baǵdarlama halyqaralyq tájirıbege negizdelip, qazaqstandyq bilim berý júıesiniń erekshelikterine beıimdele ázirlendi. Jasandy ıntellekt muǵalimdi almastyrmaıdy, kerisinshe onyń kómekshisine aınalady. Sıfrlyq tehnologııalardy meńgergen ustaz oqý úderisin jandandyryp, ýaqytyn únemdep, oqýshylardyń qyzyǵýshylyǵyn arttyra alady», dedi Orta bilim berý komıteti tóraǵasynyń orynbasary Zeınep Mahsýtova.
Aıta keteıik, atalǵan kýrsqa qatysýǵa nıetti pedagogter reg.orleu.edu.kz saıty arqyly tirkele alady.
