Foto: Jasandy ıntellekt jáne sıfrlyq damý mınıstrligi
Bul kelisim Qazaqstannyń stýdentteri men mamandaryna, sondaı-aq barlyq azamattarǵa jasandy ıntellekttiniń zamanaýı quraldaryn oqý, zertteý jáne kásibı qyzmette qoldanýǵa jol ashady.
Sonymen qatar memorandým sheńberinde Alem.AI platformasy bazasynda ǵylymı-zertteý jáne tájirıbelik-konstrýktorlyq jumystardy (R&D) qoldaý, sondaı-aq Qazaqstanda derekter ortalyqtaryn damytý kózdelgen.
«Bul kelisim mıllıondaǵan qazaqstandyqqa buryn tek shekteýli paıdalanýshylarǵa ǵana qoljetimdi bolǵan qýatty jasandy ıntellekt tehnologııalaryn paıdalanýǵa múmkindik beredi. Biz bilim men ınnovasııa árbir azamatqa qoljetimdi bolatyn sıfrlyq ekojúıeni qalyptastyryp jatyrmyz», dedi Jasandy ıntellekt jáne sıfrlyq damý mınıstri Jaslan Mádıev.
Perplexity kompanııasynyń vıse-prezıdenti jáne tehnıkalyq dırektorynyń orynbasary Djerrı Ma Qazaqstannyń zamanaýı JI-modelderdi álemdik bilimmen ushtastyrýdaǵy ustanymyn joǵary baǵalady.
«Qazaqstan aldyńǵy qatarly jasandy ıntellekt úlgilerin jahandyq bilimmen biriktirýdiń mańyzyn durys baǵalady. Bul árbir azamat úshin JI tehnologııalaryn qoljetimdi etýdiń tamasha joly. Qazaqstannyń JI jáne sıfrlyq damý mınıstrligimen áriptestik - jasandy ıntellektini barlyq salada jedel engizýge múmkindik beredi», dedi ol.
О́z kezeginde «Qaztelekom» AQ basqarma tóraǵasy Baǵdat Mýsın bul bastama ár azamatqa JI tehnologııalaryn kúndelikti ómirde qoldanýǵa jol ashatynyn atap ótti.
«Perplexity AI kompanııasymen yntymaqtastyq Qazaqstan úshin jańa múmkindikterge jol ashady. Biz jasandy ıntellekt tehnologııalarynyń tek mamandarǵa ǵana emes, stýdentterge, mektep oqýshylaryna, kásipkerlerge jáne basqa azamattarǵa da qoljetimdi bolýyn qalaımyz.«Qazaqtelekom» AQ osy ekojúıeni damytýǵa belsendi qatysyp, zamanaýı sıfrlyq sheshimderdi adamdardyń kúndelikti ómiriniń bir bóligine aınaldyrý jobalaryn qoldaıtyn bolady», Baǵdat Mýsın.
Bastamanyń ınısıatory ári úılestirýshisi – Astana IT University. Ýnıversıtet Perplexity AI kompanııasymen seriktestik aıasynda generatıvti jasandy ıntellekt quraldaryn oqý úderisine engizip, mashınalyq oqytý boıynsha zertteý jobalaryn damytý jáne halyqaralyq akademııalyq baılanysty nyǵaıtý jumystaryn júrgizedi.
Perplexity – jasandy ıntellekt negizindegi ıntellektýaldy júıe, ol senimdi derekkózderge súıene otyryp, suraqtarǵa dál jaýap beredi jáne derekkózderge siltemelerdi usynady. Sonymen qatar, ol tereń zertteýler júrgizýge jáne aqparatty tıimdi izdeýge kómektesedi.
