Syılyq túrki áleminiń birligi men mádenı baılanysyn nyǵaıtý maqsatynda beriledi. Bul týraly kúıshi Qaırat Hamıtuly áleýmettik jelidegi paraqshasynda jazdy.
«Kúıshi Janǵalı Júzbaıdyń álemniń 41 memleketinen 310 medıa salasynyń mamandary qatysýymen ótken halyqaralyq keńeste Ysmaıyl Gaspraly syılyǵymen marapattalýyn «dombyra aspabynyń bedelin halyqaralyq deńgeıge kóterý» dep qabyldasaq ta bolady. Bul kezge deıin osy syılyq «Túrki dúnııasyna sińirgen eńbegi úshin» dep atalatyn. Saıasatkerler, ǵalymdar, ónerpazdar men BAQ ókilderine berilip kele jatqan marapat osy jyldan bastap ǵalymdar men ónerpazdar úshin «Ysmaıyl Gaspraly syılyǵy» dep berile bastady. Bedeldi syılyqpen marapattalǵandardyń arasynda dúnıejúzine tanymal tulǵalar da boldy. Mysaly: Túrkııanyń eks syrtqy ister mınıstri, Soltústik Makedonııa parlamentiniń tóraǵasy, Halyqaralyq TÚRKSOI uıymynyń bas hatshysy, belgili BAQ ókilderi, túrki dúnııasyna eńbek sińirip júrgen ǵalymdar men ónerpazdar bar», dep jazady.
