Bul kórsetkish el ekonomıkasynyń turaqty jáne sapaly ósimge baǵyt alǵanyn aıǵaqtaıdy. О́sý serpini ónerkásip, qurylys, aýyl sharýashylyǵy, saýda jáne kólik syndy negizgi salalardaǵy oń dınamıka esebinen qamtamasyz etildi
Makroekonomıkalyq zertteýler jáne boljaý ortalyǵynyń jetekshi sarapshysy Nursultan Amantaı mundaı ósimniń turaqty ári teńgerimdi sıpat alýyna ınvestısııalardy yntalandyrý jáne kásipkerlikti qoldaý jónindegi memlekettik baǵdarlamalardyń oń áserin kórsetetinin aıtty.
Ulttyq statıstıka bıýrosynyń derekterine sáıkes, 2025 jyldyń qańtar-qazan aılarynda Qazaqstannyń JIО́ ósimi jyldyq eseppen 6,4%-dy qurady, bul qańtar-qyrkúıek kezeńindegi deńgeıden 0,1 paıyzdyq tarmaqqa joǵary. О́simniń jedeldeýi ekonomıkanyń negizgi salalaryndaǵy – qurylys, saýda, aýyl sharýashylyǵy jáne aqparattyq-kommýnıkasııalyq qyzmetter – kórsetkishterdiń jaqsarýymen qamtamasyz etildi. Mundaı ósimniń turaqty ári teńgerimdi sıpat alýy ınvestısııalardy yntalandyrý jáne kásipkerlikti qoldaý jónindegi memlekettik baǵdarlamalardyń oń áserin kórsetedi, – dedi sarapshy.
Qurylys salasyndaǵy naqty kólem ındeksi 15,1%-dy qurady (ótken aıdaǵy 14,9%-ben salystyrǵanda). О́sim el boıynsha júzege asyrylyp jatqan ınfraqurylymdyq jáne turǵyn úı jobalarymen baılanysty.
Sarapshy bul baǵyt halyqtyń ómir sapasyn arttyrýmen qatar, qurylys materıaldaryna suranysty jáne óńdeýshi ónerkásiptiń ilespe salalaryn damytýdy yntalandyryp otyrǵanyn aıtty.
Ekonomıkalyq ósimge eń kóp úles qosqan qurylys sektory boldy – naqty kólem ındeksi 115,1%-ǵa jetti. Bul kórsetkish ınfraqurylymdyq jáne turǵyn úı jobalarynyń belsendi iske asyrylýymen baılanysty. Saýda salasy da ishki suranys pen tutynýshylyq belsendiliktiń artýyn kórsetip, turaqty ósimdi (109%) saqtap keledi. Aýyl sharýashylyǵyndaǵy aıtarlyqtaı jedeldeý (105,4%-ǵa deıin) tehnıka parkin jańartý men ónimdilikti arttyrýǵa baǵyttalǵan memlekettik qoldaý sharalarynyń nátıjesi bolyp otyr. Aqparat jáne baılanys qyzmetteriniń kóleminiń 104%-ǵa ósýi ekonomıkanyń sıfrlandyrý úderisiniń jalǵasyp jatqanyn jáne telekommýnıkasııalyq qyzmetterge suranystyń artyp kele jatqanyn kórsetedi, – dedi Nursultan Amantaı.
Onyń aıtýynsha, JIО́ ósiminiń qurylymynda óndiris, ınfraqurylym jáne qyzmet kórsetý salalarynyń úlesi teńgerimdi. Bul ekonomıkanyń bir baǵytqa táýeldi emestigin jáne ártaraptandyrý saıasatynyń naqty nátıje berip jatqanyn kórsetedi.
Ekonomıkanyń sapaly ósýi Úkimet saıasatynyń tıimdiligin jáne óńirlerdegi iskerlik belsendiliktiń artýyn dáleldeıdi. JIО́ qurylymyndaǵy ózgerister ósim kózderiniń ártaraptandyrylǵanyn jáne basymdyqtyń birtindep shıkizat sektorynan óńdeý men qyzmet kórsetý salalaryna aýysyp jatqanyn aıǵaqtaıdy. Bul óz kezeginde ulttyq ekonomıkanyń uzaq merzimdi turaqtylyǵynyń negizin qalyptastyrady, – dedi Makroekonomıkalyq zertteýler jáne boljaý ortalyǵynyń jetekshi sarapshysy Nursultan Amantaı.
Qoryta aıtqanda, Úkimet basym salalardy qoldaý, ınvestısııalar tartý jáne jańa óndiristerdi damytý arqyly ekonomıkalyq ósimniń sapasyn arttyrýǵa baǵyttalǵan Prezıdent tapsyrmalaryn júıeli túrde iske asyrýda.
Qazaqstan ekonomıkasynyń 2025 jyldyń 10 aıyndaǵy 6,4%-dyq ósimi – bul tek sandyq kórsetkish emes, sapaly damýdyń dáleli.
О́nerkásip, aýyl sharýashylyǵy, qurylys jáne kólik syndy salalardyń úılesimdi damýy eldiń uzaqmerzimdi ekonomıkalyq turaqtylyǵyn qamtamasyz etip, jańa ınvestısııalyq múmkindikterge jol ashyp otyr.
