Bereri kóp baıqaý

Oblystyq mádenıet bas­qarmasy basshysynyń orynbasary Saıat Júsi­pov­tiń aıtýynsha, osymen besinshi ret ótip jatqan dástúrli baıqaý áý bastan-aq balalar taqyrybyna qalam tartyp júrgen jas jazýshylar­dyń shyǵarmalaryn nasıhattaýdy, olardyń úzdik týyndylaryn jeke jınaqqa toptastyrý arqyly óńirdegi balalar kitaphanalarynyń kitap qoryn tolyqtyryp, baıytyp otyrýdy kózdeıdi.

«Ybyraı atyndaǵy ádebı baı­qaýdyń bedeli jyl ótken sa­ıyn artyp, jaǵrafııasy keńeıip keledi. Mysaly, bıyl Almaty, Astana qalalary­­nan, Qyzylorda, Pavlodar, О́skemen, Qa­raǵandy, Jambyl, Qostanaı ob­lystary­nan shyǵarmalar kelip tústi. Baıqaý barysynda elimizdiń shal­ǵaı, sha­ǵyn eldi mekenderinde tura­tyn kóptegen jańa esimderdiń tanylýyna jol ashyldy. Máselen, bes jyl ishinde Ybyraı baıqaýy­­na 103 jazýshy qatysypty. Olar­­­dyń shyǵarmalaryn aldymen sarapshylar keńesi oqyp shyǵady. Odan iriktelip alynǵan týyndylar qazy­lar alqasynyń qaraýyna jiberile­di. Kelesi jyly Ybyraı Altyn­sa­rın­niń 185 jyldyǵyn atap ótkeli otyrmyz. Osyǵan oraı, baı­qaý­dyń taqyryptyq aıasyn keńeıtip, júlde qoryn molaıtý ja­ǵyn qarastyramyz», dedi Saıat Júsipov.

Baıqaý qorytyndysy boıynsha, jas qalamger Nurbek Nurjanuly­­nyń «Qanatty shabandoz» povesi «Qa­zaq tilindegi balalar men jasóspi­rim­derge arnalǵan eń úzdik shyǵar­ma» jáne «Jas oqyrmandardyń tań­daýy» atty eki atalymnyń jeńimpazy a­tanyp, aqshalaı syılyq ıelendi.

«Orys tilindegi balalar men jas­­óspirimderge arnalǵan eń úzdik shyǵarma» atalymynyń júldesine jazýshy Elena Klepıkova men aqyn Ksenııa Zemskova birlesip jazǵan «Qyzyl kitaptyń ǵajaıyp álemi» shyǵarmasy laıyq dep tanyldy.

Marapattaý rásiminen keıin baı­qaýǵa qatysqan týyndylar engen «Taza bulaq» jınaǵynyń tusaýkeser rásimi ótti. Muqabasy JI kómegimen bezendirilgen jańa jınaq óńirdegi balalar kitaphanalaryna taratylady.

Qostanaı oblysy