«Jınalǵan máselelerdi bir maýsymda sheshý múmkin emes. Degenmen, bıyl demalýshylarǵa qolaıly jaǵdaı jasalyp, ınfraqurylymdyq jumystar júrgizildi. Osy maqsatqa oblystyq bıýdjetten 1 mıllıard teńge bólindi», dedi óńir basshysy.
Bólingen qarjy esebinen tómendegi birneshe nysannyń qurylysy men jóndeý jumystary júrgizilip jatyr:
-
Qabanbaı aýylynda órt sóndirý deposyn salý – 141 mln teńge;
-
jańa qoǵamdyq keńistik qurý – 171,6 mln teńge;
-
Arbatty jóndeý – 108,9 mln teńge;
-
jaǵalaý kóshelerin ortasha jóndeý – 229,5 mln teńge;
-
jaǵalaýdy abattandyrý – 107,5 mln teńge;
-
pırster ornatý – 41,6 mln teńge;
-
jaǵalaýdy sanıtarlyq tazalaý – 53,5 mln teńge.
Berik Ýálıdiń aıtýynsha, Alakól óńiriniń damýyn júıeli túrde júzege asyrý úshin jańa bas jospar daıyndalyp jatyr. Ol 1000 gektar aýmaqta demalys pen týrızm aımaqtaryn qalyptastyrýdy, kólik jáne ınjenerlik ınfraqurylymdy jetildirýdi kózdeıdi. Bolashaqta joba Qabanbaı aýylyn jáne jaǵalaýdy biriktirip, aýmaqty 3000 gektarǵa deıin keńeıtýdi josparlaıdy.
Investısııalyq jobalardyń ishinde Ázerbaıjan ınvestorlarynyń qatysýymen «Alakól» shıpajaı keshenin salý jáne qytaılyq San Bao, Vandjan, Juding Group kompanııalarynyń qatysýymen 100 jyldam turǵyzylatyn qonaqúı (glempıng) nysanyn turǵyzý qarastyrylǵan.
