Marapat oblystyń qoǵamdyq ómirine belsene aralasyp, óz eńbegimen óńir damýyna úles qosqan jastardy yntalandyrý maqsatynda qolǵa alynǵan. Saltanatty jıynǵa memlekettik organdar men jastar uıymdarynyń ókilderi, sondaı-aq óńirdiń daryndy, belsendi jastary qatysty.
«Men jastarǵa senemin!» dep Maǵjan Jumabaev aıtyp ketkendeı, jastar – el bolashaǵynyń aınasy. Sizderdiń jetistikterińiz óńirdiń ǵana emes, búkil eldiń damýyna serpin beredi», dedi Ulytaý oblysy ákiminiń orynbasary Jánibek Nópirov quttyqtaý sózinde.
Baıqaýǵa 50-den astam ótinim qabyldandy. Qazylar alqasy segiz atalym boıynsha jeńimpazdy anyqtady. Atap aıtqanda: Nurgúl Ahatqyzy «Jas saıasatker», Inabat Muhanbedııarqyzy «Jyldyń jas kóshbasshysy», Gúlim Aımaǵambetova «Úzdik jas kásipker», Ardaq Jarqynbekov «Úzdik jas ónerpaz», Bekjan Qabjanov «Jyldyń sport juldyzy», Aınara Nurǵazıeva «Jas erikti – qoǵam janashyry», Nazerke Saparbek «Jas medıakóshbasshy», Jiger Edilbaev «Jyldyń úzdik jas eńbekkeri» atalymdaryna ıe boldy.
Júldegerlerge dıplom, arnaıy statýetka jáne aqshalaı syılyq tabystaldy.
Ulytaý oblysy
