Sýret: qaz365.kz
Ánshiniń kásibı mansaby dál osy Parıj qalasynda álemge áıgili Bastılııa opera teatrynyń solısti retinde bastalyp, keıin Strasbýrg, Bordo, Renn jáne Avınon qalalarynda jalǵasyn tapqan edi. Eki onjyldyqtan keıin Maıra Muhamedqyzy fransýz tyńdarmandarynyń aldynda dúnıejúzilik opera sahnasynyń tanymal juldyzy retinde qaıta óner kórsetti.
Qazaqstannyń Fransııadaǵy elshiligi uıymdastyrǵan keshte «Birjan sal», «Er Tarǵyn» jáne «Abaı» operasynan alynǵan arııalar, sondaı-aq ánshi sheber oryndaǵan qazaqtyń halyq ánderi kórermen yqylasyna bólendi.
Sahna tórinde Maıra Muhamedqyzymen birge pıanıst Alııar О́tetileý, Shymkent qalalyq opera jáne balet teatrynyń kvarteti óner kórsetti. Olardyń sheberligi árbir týyndyǵa erekshe emosııalyq áser syılady.
Fransýz kórermenderi konsertti qoshemetpen qarsy alyp, árbir oryndaýdy uzaq qol shapalaqpen qazaq mádenıetine degen shynaıy qyzyǵýshylyq tanytty.
Keshtiń qurmetti qonaqtarynyń qatarynda Qazaqstan men Fransııanyń óner jáne mádenıet qaıratkerleri, dıplomatııalyq korpýs pen isker toptardyń ókilderi, sondaı-aq Parıjdiń 8-okrýginiń ákimi Janna d’Otserr boldy.
