Foto Depositphotos.com
Týrısterdiń 27%-y meıramhanalar men dámhanalarǵa baraýǵa qarjy jumsaıdy. Turǵyn úıge jumsalatyn shyǵyndar 23% shamasynda. Taǵy 23% týrısterdiń shyǵyndary azyq-túlik, kádesyılar jáne ulttyq ónimderdi satyp alýǵa tıesili.
«Bul kórsetkish sheteldik qonaqtardyń otandyq gastronomııaǵa jáne qoǵamdyq tamaqtaný mádenıetiniń damýyna degen qyzyǵýshylyǵyn aıǵaqtaıdy», dep atap ótti ulttyq kompanııada.
Orta eseppen sheteldik týrısterdiń shyǵyn qurylymy tómendegideı:
-shamamen 12% – áýe tasymalyna;
-4% – eldiń kórikti jerlerimen jáne tabıǵı landshafttarymen óz betinshe tanysý maqsatynda avtokólik jaldaýǵa;
-taǵy 4% – mádenı jáne sporttyq is-sharalarǵa qatysýdy qamtıtyn sporttyq jáne rekreasııalyq qyzmetterge;
-3% – zergerlik buıymdar, óner týyndylary men antıkvarıat satyp alýǵa jumsalady.
Bıylǵy 9 aıdyń ishinde Qazaqstanǵa 12,2 mıllıonnan astam sheteldik azamat kelgen. Bul ótken jyldyń sáıkes kezeńimen salystyrǵanda 730 myń adamǵa kóp.
