2007 jyly D.Serikbaev atyndaǵy ShQMTÝ-dyń «Jol qozǵalysyn uıymdastyrý» mamandyǵyn, 2019 jyly Qazaq kólik jáne kommýnıkasııalar ýnıversıtetiniń «Kólik qurylysy» mamandyǵyn támamdaǵan. Eńbek jolyn Astana qalasyndaǵy «Jolaýshylar tasymaly ortalyǵy» JShS-da dıspetcher retinde bastaǵan. Keıin «Astana qalasy jolaýshylar kóligi jáne avtomobıl joldary departamenti», «Astana qalasy Kommýnaldyq sharýashylyq basqarmasy» jáne «Kólik jáne jol-kólik ınfraqurylymyn damytý basqarmasy» bólimderinde ártúrli laýazymda qyzmet atqarǵan. Ol jańa qyzmetke taǵaıyndalǵanǵa deıin Semeı qalasynyń jolaýshylar kóligi jáne avtomobıl joldary bólimin basqarǵan.
Qurylys basqarmasy basshysy qyzmetine Bekjan Bapyshev taǵaıyndaldy. Ol 1989 jyly Shyǵys Qazaqstan oblysynda týǵan. 2011 jyly S.Amanjolov atyndaǵy ShQ ýnıversıtetin «Quqyqtaný» mamandyǵy boıynsha, 2024 jyly Memlekettik basqarý akademııasynyń magıstratýrasyn «Memlekettik saıasat» mamandyǵy boıynsha támamdaǵan. Eńbek jolyn Astana qalasy ákimdikterinde ártúrli bólimderde bastaǵan. Sońǵy qyzmeti – Semeı qalasynyń ákim jáne ákimniń orynbasary boldy.
Sport basqarmasy basshysy qyzmetine Baqyt Bekbosynov taǵaıyndaldy. Ol 1988 jyly Semeı qalasynda týǵan. 2010 jyly Semeı memlekettik pedagogıkalyq ınstıtýtyn «Dene shynyqtyrý jáne sport» mamandyǵy boıynsha, 2013 jyly Qaınar ýnıversıtetin «Pedagogıka jáne psıhologııa» mamandyǵy boıynsha támamdaǵan. Eńbek jolyn dene shynyqtyrý pániniń muǵalimi retinde bastaǵan. Keıin Semeı medısına ýnıversıtetiniń dene tárbıesi kafedrasynyń oqytýshysy, Abaı oblysynyń sport basqarmasyndaǵy bas maman jáne dıreksııa dırektory qyzmetterin atqarǵan. Sońǵy qyzmeti – basqarma basshysynyń orynbasary boldy.
Abaı oblysy
