Foto: kazgazeta.kz
Bıyl Abaı oblysynan 451 sportshy Qazaqstannyń ulttyq quramasyna endi. Meıirlan Rahanovtyń aıtýynsha, bul kórsetkish sońǵy úsh jylda turaqty ósimdi kórsetip otyr.
«Bizdiń sportshylar halyqaralyq arenada ózderin senimdi túrde kórsetip júr. Azııa jáne álem chempıonattarynda 183 medal jeńip alsa, el ishindegi jarystarda 1 200-den astam júlde ıelendi. Bul – óńirde buqaralyq jáne kásibı sportty damytý boıynsha júıeli jumystyń nátıjesi», dedi ákimniń orynbasary.
Oblysta 48 sport federasııasy jumys isteıdi, 26 mekemede 14 myńnan astam adam turaqty túrde jattyǵady.
Abaı oblysynda 150 217 jas azamat turady – bul óńir halqynyń tórtten biri. Oblys ákimi Berik Ýálıdiń bastamasymen bıyl jastar saıasaty jónindegi jeke basqarma quryldy.
«Jyl basynan beri 149 bos oryndar jármeńkesi ótkizildi, oǵan 1,5 myńnan astam jas qatysty. О́ńirlik jumyspen qamtý kartasy aıasynda 7 106 jas jumysqa ornalasty. Onyń ishinde 411-i – ulttyq jobalar boıynsha, 2 307-i – jármeńkeler arqyly, 2 596-sy – «10 myń turǵynǵa 100 jumys orny» prezıdenttik bastamasy aıasynda, al 1 792-si – sýbsıdııalanatyn jumys oryndaryna ornalasqan», deıdi M.Rahanov.
Spıkerdiń aıtýynsha, jastardy turǵyn úımen qamtý máselesi de baqylaýda tur. Kezekte 15 549 adam tur, al bıyl túrli turǵyn úı baǵdarlamalary arqyly 413 jas páter alǵan.
Abaı oblysynyń mádenıet salasy da júıeli túrde damyp keledi. О́ńirde 296 mádenıet mekemesi jumys isteıdi, onda eki myńnan astam maman, negizinen aýyldyq jerlerde, eńbek etip júr.
«Jyl basynan beri ondaǵan mańyzdy is-shara ótti, sonyń ishinde «Abaı eli – óner kenishi» baıqaýy 1 500-ge jýyq qatysýshyny jınady. Jeńimpazdarǵa 1 mıllıon teńgeden syıaqy berildi. Abaıdyń 180 jyldyǵyna oraı 50 myńnan astam adam qatysqan 100-ge jýyq is-shara uıymdastyryldy», deıdi ol.
6 mádenı nysan jóndeýden ótti, onyń ishinde Shar jáne Qaraýyl aýyldaryndaǵy mádenıet úıleri, F.M. Dostoevskıı murajaıy, Abaı atyndaǵy teatr, oblystyq kitaphana jáne muraǵat bar. Respýblıkalyq bıýdjet esebinen ólketaný murajaıynyń kúrdeli jóndeýi júrgizilýde, al Úrjar aýdanynyń Joǵarǵy Eginsý aýylynda «Aýyl – el besigi» baǵdarlamasy aıasynda 100 oryndyq aýyl klýby salynyp jatyr.
«Keleshek mektebi» ulttyq jobasy aıasynda óńirde 2 700 oryndyq tórt jańa mektep paıdalanýǵa berildi. Abaı oblysynda 177 balabaqsha men 191 shaǵyn ortalyq jumys isteıdi, kezekte shamamen 5,8 myń bala bar.
«Kezekti azaıtý úshin bıyl bes jekemenshik balabaqsha ashyldy, Maqanshy aýylynda 140 oryndyq balabaqsha salý boıynsha qujattar daıyndalyp jatyr. Oblysta 311 mektep bar, jańa oqý jylynda 100 myńnan astam oqýshy bilim alýda. Semeıde 500 oryndyq Oqýshylar saraıynyń qurylysy jyl sońyna deıin aıaqtalady», dedi Meıirlan Rahanov.
Onyń aıtýynsha, sondaı-aq Semeı men aýyldarda jańa mektepter salynyp jatyr, al «Qazaqstan halqyna» qory arqyly 36 mektepke 58 zamanaýı oqý kabıneti berildi. Taǵy 4 oqý ornynyń árqaısysy 250 mıllıon teńgege jabdyqtar men jıhazben qamtamasyz etildi.
Abaı oblysy
