Qoǵamdyq kommýnıkasııa ortalyǵyna silteme jasap.«Batys» óńirlik qolbasshylyǵynyń baspasóz qyzmetiniń málimetinshe, baıqaýǵa Aqtaý, Atyraý, Aqtóbe, Jańaózen jáne Oral qalalarynan kelgen 50-ge jýyq ofıser men serjant qatysty.
Qatysýshylar atys, dene jáne áskerı-taktıkalyq daıyndyq, sondaı-aq memlekettik-quqyqtyq jáne ádistemelik pánder boıynsha bilimderi men biliktilikterin synǵa saldy.
Jarys qorytyndysy boıynsha Aqtaý qalasynda ornalasqan 6656 áskerı bóliminiń batalon komandıri, kapıtan Baqytjan Oraqbaev úzdik nátıje kórsetip, 1-orynǵa ıe boldy.
«Jarysqa úlken daıyndyqpen qatystym. Barlyq kezeńder óz deńgeıinde ótti. Birinshi orynǵa qol jetkizý men úshin úlken mártebe. Endi jeltoqsan aıynda Astana qalasynda ótetin respýblıkalyq birinshilikte «Batys» óńirlik qolbasshylyǵynyń namysyn qorǵaımyn», deıdi kapıtan Baqytjan Oraqbaev.
Aıta keteıik, baıqaý úsh kezeńnen turady. Alǵashqy kezeńder áskerı bólimderdiń óz bazasynda ótkizilse, Oral qalasynda ótken ekinshi kezeńde óńirdiń úzdik áskerı mamandary anyqtaldy. Endi jeńimpazdar jeltoqsan aıynda Astana qalasynda ótetin qorytyndy respýblıkalyq saıysta baq synaıdy.
Mańǵystaý oblysy
