Foto: Ashyq derekkóz
Breaking Rust – adam emes, mýzykalyq prodıýser men oryndaýshy rólin qatar atqaratyn jasandy ıntellekt júıesi. Qazir onyń Instagram paraqshasynda 35 myńnan astam jazylýshysy bar, al Spotify platformasynda aı saıynǵy tyńdarman sany 2 mıllıonnan asady. Tipti vırtýaldy ártis resmı túrde tekserilgen akkaýnt ıegeri retinde tirkelgen.
Indıana ýnıversıtetiniń mýzykalyq tehnologııalar kafedrasynyń dosenti Djeıson Palamara Newsweek-ke bergen suhbatynda: «áýen yrǵaǵy qarapaıym «stomp, clap, hey» formatynda estilgenimen, onyń artynda óte kúrdeli joǵary tehnologııalyq prodakshn jasyrynǵan», dedi.
Sonymen qatar, sarapshy án mátinin «maǵynalyq turǵyda álsiz, biraq tehnıkalyq turǵydan minsiz» dep baǵalady.
Sońǵy ýaqytta JI qatysqan árbir joba qoǵam nazarynda. Máselen, vırtýaldy aktrısa Tıllı Norvýdtyń debıýti nemese Coca-Cola kompanııasynyń jasandy ıntellekt kómegimen jasalǵan merekelik jarnamasy úlken pikirtalas týdyrdy.
Tipti álemge tanymal mýzykanttar jasandy ıntellekttini shyǵarmashylyqta qoldanýdy retteýdi talap etetin bastamalardy qoldap otyr. Biraq birqatar elderde ony qoldanýǵa shekteý qoıý týraly petısııalar paıda bolǵan.
