Sýret: ortcom.kz
Qorǵanys mınıstriniń sıfrlandyrý jónindegi orynbasary Darhan Ahmedıevtiń aıtýynsha, qazirgi armııa – tek kúsh pen qýat emes, ol eń aldymen ıntellekt. Bul sıfrlyq transformasııa – Prezıdent aıqyndaǵan strategııalyq baǵyttardyń biri.
Sıfrlandyrý jáne IT qyzmetkerleri kúni qarsańynda uıymdastyrylǵan kórmede mınıstrlik negizgi sıfrlyq jobalardy tanystyrdy. Kórmede 16 ınteraktıvti alań jumys istedi. Onda sıfrlyq servısterdiń jumysy naqty ýaqyt rejiminde kórsetildi.
Negizi mınıstrlik jyl sońyna deıin kadrlyq esep júıesinde issapar, demalys bıletteri, zattyq attestat pen áskerı ataq merzimin kórsetetin ındıkator sekildi 8 jańa modýldi iske qosýdy josparlap otyr. Osy maqsatta «Smart áskerı komıssarıat» jobasy iske qosylady. Bul áskerge shaqyrý týraly SMS-habarlamalar jiberip, avtomatty tirkeý, keıinge qaldyrýdy onlaın rásimdeýge múmkindik beredi. Sondaı-aq D.Ahmedıevtiń aıtýynsha, jýyq arada medısınalyq tekserý de sıfrlanady.
«Kelisimshartpen qyzmetke onlaın qabyldaý Jauynger.gov.kz portaly arqyly júzege asyrylady. Qazirgi ýaqytta áskerı-tehnıkalyq mamandyqtar boıynsha oqýǵa kezekke qoıý jáne joldaý júıesi avtomattandyryldy. Sarbaz 2.0 merzimdi áskerı qyzmetshilerdiń jetistikterin tirkep, bilim granttaryn ádil bólýge kómektesedi. Al Askeri Ziyat biryńǵaı bilim berý platformasy Qorǵanys mınıstrliginiń kolledjderi men JOO-laryna onlaın ótinim berýge múmkindik beredi. Buǵan qosa áskerı qyzmet máseleleri boıynsha Armia.kz «sıfrlyq keńesshisi» jumys isteıdi. Ol zańnama ózgergen jaǵdaıda málimetterdi avtomatty túrde jańartyp otyrady. «Bes qarý» jobasy bolsa jasandy ıntellekt arqyly áskerı daıyndyq nátıjelerin taldap, atys, dene daıarlyǵy jáne arnaıy pánder boıynsha jeke usynystar beredi», dep túsindirdi D.Ahmedıev.
Mınıstrlik ókili mundaı sıfrlyq sheshimder ýaqytty únemdep, bıýdjet shyǵyndaryn qysqartyp, adamı faktordy azaıtatynyn aıtady.
