Foto: Ashyq derekkóz
Reseı Qazaqstanǵa tórt amýr jolbarysyn (eki atalyq jáne eki analyq) óteýsiz beredi. Janýarlar «Ile-Balqash» memlekettik tabıǵı rezervatyna jetkiziledi.
Aıta ketelik, 2018 jyly qurylǵan «Ile-Balqash» memlekettik tabıǵı rezervatynda Qazaqstanǵa alǵash Nıderlandydan ákelingen amýr jolbarystary mekendeıdi.
Ekologııa jáne tabıǵı resýrstar mınıstrliginiń málimetinshe, jolbarysty Qazaqstanǵa qaıta engizý ıdeıasynyń ǵylymı jáne tarıhı negizi bar. 2009 jyly halyqaralyq bıologtar toby (Driscoll jáne basqalar, 2009) júrgizgen genetıkalyq zertteýler nátıjesinde joıylyp ketken turan jolbarysy men qazirgi amýr jolbarysynyń DNQ uqsastyǵy dáleldendi. Bul jańalyq joǵalǵan popýlıasııany qalpyna keltirý jumystaryna bastaý bolýǵa múmkindik berdi.
Reseı tarapy veterınarııalyq daıyndyq pen tasymaldaýdy qamtamasyz etse, Qazaqstan tarapy qarsy alý, ornalastyrý jáne monıtorıng júrgizý jumystaryn atqarady. Joba WWF jáne BUU Damý baǵdarlamasynyń qoldaýymen júzege asyrylady.
Baǵdarlamanyń tabysty iske asyrylýy Qazaqstandy jolbarys joıylyp ketken óńirge ony qaıta engize alǵan alǵashqy elderdiń birine aınaldyrady.
