Sýret: damu.kz
«Ala Sintez» bas dırektory Iýrıı Dıýpınniń aıtýynsha, ónimniń mundaı túrin qoldanbaıtyn kásiporyn kemde-kem. Olar birinshi kezekte bıznes tarıhyna basymdyq beredi.
– Bul rette, bizdiń ishki naryqtan da, syrtqy naryqtan da jasyryp qalatyn qupııamyz joq. Qarjy aınalymy túgel ashyq, jarııa túrde júredi. Biz seriktestermen baılanysqa shyqqanǵa deıin bıznes-trenıngterine qatystyq, jumysshylarymyzdy tájirıbe almasýǵa jiberdik. Qysqasy, ózimizdi barlyq jaǵynan bıznes-seriktes bola alatynymyzdy dáleldedik. Áriptestiktiń mundaı túri bizdi bıznes dıplomaty retinde qalyptastyrdy. Qazir álemniń kez kelgen kompanııasymen áriptestik baılanys ornatýǵa daıynbyz, deıdi ol.
Kronen-tyǵyndy daıyndaý men tósemderdi qalyptastyrý sońǵy úlgidegi ıtalııalyq jabdyqtarda jasalady. Sapa men tehnologııanyń saqtalýyn baqylaýdy óz zerthanasy júzege asyrady. Zerthana shıkizatty kiris baqylaýynan bastap daıyn ónimge deıin óndiristiń barlyq kezeńderinde tolassyz baqylaý júrgizýge múmkindik beretin jabdyqtarmen qamtylǵan. Qańyltyrdy laktaý jáne lıtografııalaý (kronen-tyǵyn jasalatyn negizgi shıkizat) osy salada 50 jyldan astam tájirıbesi bar, óz jabdyqtaryn shyǵarý kezinde zamanaýı jáne ınnovasııalyq sheshimderdi qoldanatyn Crabtree of Gateshead Ltd aǵylshyn kompanııasynyń qazirgi zamanǵy jabdyqtarynda júzege asyrylady.
Kompanııa basshysynyń aıtýynsha, álemdik deńgeıdegi kompanııalarmen kelisimshart halyqaralyq platformalar arqyly jasalady. Qazirgideı ıntegrasııanyń ózi sıfrlanyp ketken zamanda munyń túk te qıyndyǵy joq. Tek qana bıznes-repýtasııań minsiz bolsa bolǵany. Damyǵan elderde bıznes básekelestik jaǵdaıynda ǵana damıdy. «Ala Sintez» bıznes aıdynyna jelkenin jelbiretken kezde ishki naryqta báseke az boldy. Qaltalylar «qaqpaqtan ne paıda» degen ustanymda bolsa, qaltasy kótergender alyp-satýǵa den qoıdy. Áý basta plastık qaqpaqtarǵa basymdyq berilse, keıin temir qaqpaqtyń ózin altyn tájge uqsatyp shyǵarýdy uıǵarǵan. Synaq úshin alǵashqy partııasy Irlandııaǵa jóneltilgen. Olar qazaq dalasynan jetken qaqpaqtyń sýsyndaǵy gazdy qansha ýaqytqa deıin saqtaı alatynyn 1 jyl boıy zerttep baryp, kelisimge keldi. Sodan keıin basqa kompanııalardan da suranys túse bastaǵan.
О́ndiristi keńeıtý úshin kompanııaǵa «Ulttyq joba» baǵdarlamasy boıynsha 893 mln teńge sýbsıdııa berilgen, odan bólek «О́ńdeý jáne qyzmet kórsetý salalarynda jumys isteıtin shaǵyn jáne orta bıznesti qoldaý» baǵdarlamasy aıasynda 349 mıllıon teńge jeńil nesıe aldy. Al «О́rleý» baǵdarlamasymen berilgen jeńil nesıeniń jalpy somasy – 130 mln teńge.
«2019 jyly biz alǵash ret «Damý óndiris» baǵdarlamasy boıynsha memlekettiń qoldaýyn paıdalandyq. «Halyk Bank»-ten 6%-ben 349 mln teńge nesıe aldyq, qarajat shıkizat pen jabdyq satyp alýǵa baǵyttaldy. Sondaı-aq «Damý óndiris» baǵdarlamasy boıynsha jyldyq mólsherlemesi 6%-ben qaryz aldyq, al jetispeıtin kepil somasyna «Damý» qory tarapynan kepildik túrinde 169,6 mln teńge kóleminde qoldaý kórsetildi», deıdi Iý.Dıýpın.
Saýdaǵa salǵan kapıtaldyń qaıtarymy kóp kúttirmeıdi. Al bızneske jankeshtilik pen tózim kerek. Keıipkerimizdiń aıtýynsha, óndiriste júrgen kásipkerlerdiń barshasy óz eliniń naǵyz patrıoty.
«Keıingi jyldary ShOB-tiń IJО́-degi úlesinde ósim bar. Buǵan memlekettik qoldaýdyń nátıjesinde qol jetti. Atalǵan faktor bizdiń sheteldegi seriktesterimiz úshin de mańyzdy. Olar birinshi kezekte bıznes pen bılik arasyndaǵy áriptestiktiń nátıjesine nazar aýdarady. Bul rette bizge eshkim syn aıta almaıdy. О́ndiristi alǵa jyljytý úshin bizge qoldaý qajet. Ázirge tek 21 paıyzdyq nesıe ǵana múmkin bolyp tur. Bul taýar óndirýshiler úshin tıimsiz paıyz», deıdi Iý.Dıýpın.
ALMATY
