«Jedel járdemge» – jedel járdem Atyraýda osy salaǵa dep 20 sheteldik kólik berildi

El-jurttyń qytyǵyna tıetin, ókpe-renishin týdyratyn jáıttiń biri –«Jedel járdemniń» keshigýi. Basy aýyryp, baltyry syzdaǵan janǵa únemi saǵattap keshigip jetetin «jedel járdem» «saýyqpaı-aq» qoıdy. «Jedel járdem» basshylarynan udaıy «kólik jetispeıdi» degen syltaý alǵa tartylady. Shynymen solaı ma, álde basqa sebebi bar ma? Qalaı bolǵanda da, bul másele Atyraý oblysynyń ákimi Baqtyqoja Izmuhambetovtiń halyq aldyndaǵy esebinde bıyl taǵy da kóterildi. Mine, endi arada 5 aıǵa jýyq merzim ótkende, dálirek aıtqanda, keshe oblys ákimi B.Izmuhambetov Atyraý qalalyq «jedel járdem» qyzmetine 20 jańa kólikti tabys etti. Jańanyń aty –jańa, burynǵydaı kóz úırengen reseılik «Ýaz» emes, Ońtústik Koreıadan shyǵarylǵan sheteldik kólikter kózdiń jaýyn alardaı jutynyp tur. –«Jedel járdem» qyzmetin jetildirý jóninde halyqtyń tarapynan udaıy usynys túsip turady. Bıylǵy esep berý jıynynda da bul másele kóterilgen edi. Jergilikti bıýdjetten bólingen qarjyǵa 20 jańa kólikti satyp aldyq. Endi «jedel járdem» qyzmeti halyqtyń shaqyrýlaryna keshikpeı jetýi tıis, –dep túıindedi oıyn óńir basshysy. Iá, Atyraýdaı qalaǵa 20 «jedel járdem» kóligi az emes. Endi «jedel járdem» dárigerleri «Kólik tapshy» degen syltaýmen keshigýdi doǵaratyn shyǵar. Árıne, muny ýaqyt kórsetedi. Joldasbek ShО́PEǴUL, «Egemen Qazaqstan». ATYRAÝ. Sýretti túsirgen Rahym QOILYBAEV.