Bul jasandy ıntellekt kómegimen MRT-sýretterdi 90%-ǵa deıingi dáldikpen taldap, kásibı neıropsıhologpen birge daıyndalǵan kognıtıvti testilerdi usynady. Júıege engizilgen algorıtmder jekelendirilgen usynym beredi. Al basty artyqshylyǵy – platformany onlaın jáne tegin paıdalanady. Bul medısınalyq qyzmet shekteýli óńirlerge óte tıimdi.
Paıdalanýshylar platfor-ma arqyly derbes profılaktıkalyq jospar jasaıdy. Onda este saqtaý qabiletin jattyqtyrýǵa, uıqy men durys tamaqtanýǵa, salamatty ómir saltyn ustaýǵa baılanysty keńester jazylǵan. Bul atalǵan derttiń údeýin baıaýlatyp, egde jastaǵylarǵa kómegin tıgizedi. Bir jaǵynan, densaýlyq saqtaý salasyna túsetin salmaqty azaıtady.
Jobanyń avtorlary – Ásiretáli Qaıratov, Narıman Toılybek, Ánel Imanqulova. Joba jetekshisi Ásiretáli atalǵan jobany jasaýǵa bir oqıǵa sebep bolǵanyn aıtady.
– Eki jyl buryn toptaǵy bir qatysýshymyzdyń atasynda umytshaqtyq derti paıda boldy. Alaıda ony jasyna tán jaǵdaı dep oılaǵan. Dárigerge barǵanda aýrýdyń kesh satysy anyqtalyp, biraz ýaqyt joǵaltyp alǵanyn aıtqan. Sol kezde alsgeımerdi ýaqtyly anyqtaý qoljetimdi quralsyz qanshalyqty qıyn ekenin túsindik. Osy jaǵdaı bizge «MemoryCare» platformasyn jasaýǵa túrtki boldy, – dedi Á.Qaıratov.
Azamat QUSAIYN
