Prezıdenttik ortalyqtyń dırektory Baqytjan Temirbolat búgingi kórme qonaqtarǵa BUU ishki jaǵynan kórýge múmkindik syılaǵanyn aıtty.
«Munda kúndelikti otyrystar men mıssııalar erekshe kórinister men emosııalarǵa toly adam taǵdyrlarynyń tarıhyna aınalady. Elimiz táýelsizdik alǵannan keıin 1992 jylǵy 2 naýryzda Birikken Ulttar Uıymynyń múshesi atanyp, kópjaqty yntymaqtastyq, beıbitshilik pen qaýipsizdikti nyǵaıtý qaǵıdattaryn dáıekti túrde iske asyryp keledi», dedi ol. Al Qazaqstandaǵy BUU turaqty úılestirýshisi Sarango Radnaragcha bul jaı ǵana kórme emes, uıymnyń shynaıy bolmysyn kórýge shaqyrý ekenin jetkizdi.
«Bul sýretter bizge BUU – bul Nıý-Iork pen Jenevadaǵy ǵımarattar ǵana emes, álemniń ár túkpirinde beıbitshilik pen adamgershilikke qyzmet etip júrgen adamdar qaýymdastyǵy ekenin eske salady. Fotografııa sekildi dıplomatııa da – nazar men sezimniń óneri», dedi S.Radnaragcha.
