Joba Qazaqstannyń mádenı jáne tabıǵı murasyn nasıhattaýǵa, óner, mýzyka jáne biregeı tabıǵattyń úılesimin kórsetýge baǵyttalǵan. Bozjyranyń asqaq aq jartastarynyń aıasynda Temirlan Beısenbaı álemge áıgili kompozıtor Hans Sımmerdiń «Interstellar» fılminen alynǵan Cornfield Chase kompozısııasyn oryndady.
Túsirilim Mańǵystaý oblysynyń týrızm basqarmasy jáne Rixos Water World Aktau qonaqúı kesheniniń qoldaýymen júzege asty.
«Bozjyra – Mańǵystaýdyń eń tanymal týrıstik oryndarynyń biri. Mundaǵy tabıǵat mýzyka únimen úndesip turǵandaı áser qaldyrady. Osyndaı shyǵarmashylyq bastamalar óńirdiń sulýlyǵyna ózge kózqaraspen qaraýǵa, ony óner arqyly jetkizýge múmkindik beredi dep esepteımiz», dedi uıymdastyrýshylar.
