Sýretti túsirgen avtor
Jobany daıyndaýda Rıdder qalasy ákimdiginiń, oblystyq salalyq basqarmalardyń ókilderi jáne Shveısarııanyń Bartholet Maschinenbau AG kompanııasy mamandary qatysqan jumys sapary men keńesi ótkizildi. Mamandar Batys Altaıdyń taý shańǵysyna jaraıdy-aý degen tustaryn zerttedi.
Aerofototúsirilim materıaldary daıyndalyp, jobalaý úshin barlyq bastapqy derekter jınaldy. Ýchaskelerdiń boljamdy shekaralary anyqtalyp, keıbir jerlerdi memlekettik orman qory quramynan shyǵarý máselesi qarastyryldy. Baǵalaý nátıjeleri boıynsha eki aýmaqty keshendi damytý usynyldy.
Qoshqarbaı asýyndaǵy ýchaske taý shańǵysy men jalpy týrızmge baǵyttasa, endigi bir taý silemi ekstremaldy týrızmge baǵyttalady degen toqtamǵa keldi.
«Aýmaqtardy birtutas ınfraqurylymdyq júıege biriktirý múmkindigi de qarastyrylyp jatyr. Alynǵan materıaldar jobanyń tujyrymdamasy men tehnıkalyq sheshimderin ázirleý úshin Shveısarııa kompanııasyna tapsyryldy», dedi Rıdder qalasynyń ákimi mindetin atqarýshy Qanybek Tóleýhan.
«Anataý» jobasy iske asqanda, Rıdderde zamanaýı jyl boıǵy týrıstik klaster paıda bolyp, qysqy, jazǵy da demalys túrleri kóbeıedi. Osylaısha, Rıdder Shyǵys Qazaqstandaǵy ekologııalyq týrızmniń jańa ortalyǵyna aınalady.
Rıdder
