Grant ıegerleriniń eń kóp sany Talǵar aýdanynda tirkeldi. Sondaı-aq Ile, Eńbekshiqazaq, Qarasaı aýdandary men Qonaev qalasy da joǵary nátıjeler kórsetken.
Sala mamandarynyń aıtýynsha, bıyl pedagogıkalyq baǵyt eń tanymal mamandyqtardyń biri bolǵan – 1 440 túlek osy salany tańdaǵan. Odan keıin 770 jas medısınalyq mamandyqtarǵa, 543-i agrarlyq baǵytqa qujat tapsyrǵan. Qalǵan 4 928 túlek ınjenerııa, IT jáne áleýmettik-ekonomıkalyq mamandyqtardy tańdaǵan.
О́ńir úshin bıylǵy mańyzdy jańalyqtardyń biri – 27 túlektiń Qytaı Halyq Respýblıkasyndaǵy Sınszıan ýnıversıtetinen tegin bilim alýǵa grant ıelenýi. Shetelge attanǵan jastar Talǵar, Ile, Eńbekshiqazaq, Qarasaı, Jambyl aýdandary men Qonaev, pen Alataý qalalarynan. Bul
– Almaty oblysy men Qytaı arasyndaǵy yntymaqtastyq nátıjesinde júzege asyp jatqan halyqaralyq bilim berý baǵdarlamasynyń bir bóligi.
Shetelde bilim alyp júrgen stýdentterdiń ózi bul múmkindikti úlken qoldaý dep baǵalaıdy.«Almaty oblysy ákimdigi bergen granttyń arqasynda Qytaıda oqýǵa múmkindik aldym. Bul – sapaly bilim alyp, elge kelip ózim tańdaǵan mamandyq boıynsha qyzmet etýge ashylǵan jol», – deıdi Sınszıan ýnıversıtetiniń stýdenti Nurálı Qydyrhan.
Sınszıan medısınalyq ýnıversıtetinde oqyp júrgen Qaraqat Turǵynbaı da jaǵdaıdyń jaqsy ekenin aıtady.
«Bólmede eki stýdent turamyz, oqý bazasy óte myqty. Túrli elden kelgen jastarmen tanysyp, tájirıbe almasyp júrmiz. Bul bolashaqta bilikti maman bolýǵa úlken yqpal etedi», – deıdi ol.
Sınszıan qarjy jáne ekonomıka ýnıversıtetiniń stýdenti Aıaýlym Arystanbekova halyqaralyq bilim berýdiń jańa múmkindikter ashatynyn atap ótti.
«Álemdik deńgeıdegi ýnıversıtette oqý – úlken mártebe. Almaty oblysy men Qytaı arasyndaǵy kelisimderdiń nátıjesinde kóptegen stýdent tegin oqyp jatyr. Bul bilimmen elge oralyp, Otanǵa qyzmet etýge nıettimiz», – deıdi ol.
Sonymen qatar, oblys ákiminiń jergilikti bıýdjet esebinen bólingen 30 granty da bıyl talapkerlerge qoljetimdi boldy. Onyń 17-si medısına salasyna (onyń ishinde 12 – ınternatýra), 7 grant agrarlyq baǵytqa, 6 grant pedagogıkalyq mamandyqtarǵa berilgen.
О́ńir bıliginiń aıtýynsha, bul granttar Almaty oblysynyń kadrlyq áleýetin arttyrýǵa, aýyldyq óńirlerge bilikti ustazdar men dárigerlerdi tartýǵa jáne jastardyń joǵary bilimge qoljetimdiligin keńeıtýge baǵyttalǵan.
Almaty oblysy.