Qarjy júıesi qyzmetkerleriniń kásibı merekesi men Ulttyq valıýta kúni qarsańynda oblys ortalyǵynda ótken saltanatty jıynda oblys ákiminiń birinshi orynbasary Qanat Esbolatov sala qyzmetkerlerin quttyqtap, memlekettik nagradalar men alǵyshattardy tabystady.
О́ziniń quttyqtaý sózinde Qanat Bolatuly: – Qarjy salasy qyzmetkerleriniń eńbegi men kásibıliginiń arqasynda oblys ekonomıkasy turaqty ósip keledi. Sońǵy jyldary respýblıkadaǵy pozısııamyzdy nyǵaıtyp, alǵa qaraı qarqyndy ilgerilep kelemiz, – dep óńirdiń damýyna qarjy salasynyń qosyp otyrǵan úlesin erekshe aıqyndap kórsetti.
Sonymen qatar, oblys ákiminiń birinshi orynbasary óz sózinde bıyl tól teńgemizdiń aınalymǵa engizilgenine otyz eki jyl tolǵanyn da atap ótti.
- Ulttyq valıýta – ekonomıkalyq egemendiktiń nyshany, al qarjygerler – kún saıyn bıýdjet úderisteriniń ashyqtyǵy men tıimdiligin qamtamasyz etip otyrǵan mamandar, - degen Qanat Bolatulynyń sózine naqty kórsetkishter dálel: sońǵy eki jylda salyq túsimderi artty, al jalpy óńirlik ónim 4,3 trln teńgeden 6 trln teńgege deıin ósti. Bul nátıjeler sala mamandarynyń júıeli jumysynyń aıqyn kórinisi.
Resmı bólimnen keıin marapattaý rásimi ótkizildi. «Qarjy salasynyń úzdik qyzmetkeri» tósbelgisi Bıbigúl Ýzaqova men Erlan Shatanovqa tabystaldy.
QR Qarjy mınıstrliginiń Alǵys hattaryn alty qyzmetker ıelendi. Jyl qorytyndysy boıynsha joǵary nátıjeler kórsetken taǵy osynsha qyzmetkerge oblys ákiminiń Qurmet gramotalary tapsyryldy.
- Bul salada men jıyrma bes jyldan astam ýaqyt eńbek etip kelemin. Qarjygerdiń jumysy árdaıym kózge kórine bermeıdi, biraq ol óte mańyzdy, tyldaǵy jaýyngerdiń jumysy der edim – árbir kórsetkish dál ári tekserilgen bolýy kerek. Barlyq áriptesterimdi merekelerimen quttyqtaımyn, memleketimizdiń ıgiligi úshin ary qaraı da turaqty ári jemisti jumys atqarýlaryna tilektespin, – dedi shara sońynda quttyqtaý lebizin bildirgen «Qarjy salasynyń úzdik qyzmetkeri» tósbelgisiniń ıegeri, oblystyq qarjy basqarmasynyń basshysy Bıbigúl Ýzaqova.
Almaty oblysy.
