Foto: Ashyq derekkóz
Bul jóninde AQSh Memlekettik departamenti arnaıy nusqaýlyq shyǵarǵan. Vedomstvo sozylmaly aýrýlary bar adamdar bolashaqta memleket resýrstaryn kóp qajet etýi múmkin dep esepteıdi. KFF Health News habarlaýynsha, jańartylǵan nusqaýlar AQSh-tyń sheteldegi elshilik ókildikterine jiberilgen.
«О́tinish berýshiniń densaýlyq jaǵdaıyn eskerý qajet. Júrek-qan tamyr aýrýlary, tynys alý júıesi aýrýlary, onkologııalyq dertter, dıabet, zat almasý buzylystary, nevrologııalyq jáne psıhıkalyq aýrýlar emdeýge júzdegen myń dollar shyǵyndy talap etýi múmkin», delingen qujatta.
Endi vızalyq ofıserler ótinish berýshiniń medısınalyq shyǵyndaryn ózi óteı alatynyn da baǵalaýy tıis. Sonymen qatar, onyń jaqyn týystarynyń, balalary nemese qart ata-anasynyń densaýlyǵy da esepke alynady. Eger olarda sozylmaly aýrýlar, múgedektik nemese arnaıy kútimdi qajet etetin jaǵdaılar bolsa, bul sheshimge áser etedi. Sebebi mundaı kútim ótinim berýshiniń jumys isteýine kedergi keltirýi múmkin.
Buǵan deıin vıza rásimdeý kezinde tek juqpaly aýrýlar, ekpeler jáne psıhıkalyq densaýlyq máseleleri qarastyrylatyn. Endi bul tizimge júrek-qan tamyrlary, tynys alý júıesiniń aýrýlary, qaterli isik, dıabet, zat almasý buzylystary jáne nevrologııalyq dertter kiredi. Alaıda jańa talaptar gýmanıtarlyq sanattaǵy ótinish berýshilerge – bosqyndarǵa qoldanylmaıdy.
