Medısına mekemeleriniń múmkindigimen tanysty

Ulttyq ǵylymı onkologııa ortalyǵy – radıasııalyq onkologııa boıynsha eldegi jetekshi ortalyq. Munda jyl saıyn 12 myńǵa jýyq dıagnostıkalyq zertteý men kúrdeli operasııa, 4 myńǵa deıin sáýlelik ári protondyq terapııa kýrsy, 330-ǵa deıin aǵza men súıek kemigin transplan­ta­sııalaý jasalady.

Pasıentterge kórsetiletin barlyq onkologııalyq kómek TMKKK pen MÁMS aıasynda tolyǵymen tegin. Mem­leket onkologııalyq qyzmetti qar­jy­landyrýdy úsh jylda 6 ese ulǵaıtqan. Jyl saıyn bul maqsatqa 170 mlrd teńgeden astam qarajat bólinedi.

Ortalyqqa «AEHA-nyń zákirlik orta­lyǵy» mártebesin berý jumys­tary júrip jatyr. Bul elimizdi Orta­lyq Azııadaǵy ıadrolyq medısına men radıasııalyq onkologııanyń aımaqtyq haby retinde tanytýǵa múmkindik beredi.

Radıasııalyq tehnologııalar ortalyǵynda radıofarmp­reparat­tardyń tolyq óndiris sıkli jolǵa qoıylyp jatyr. Qazirdiń ózinde PET/KT men elde alǵash engiziletin PET/MRT úshin qajet 18F-FDG óndirisi iske qosylǵan. Jaqyn arada taǵy 13 preparat shyǵarý josparlanǵan, onyń bir bóligi elimizde alǵash ret sıntezdelmek. О́ndiristiń arqasynda jylyna 12 myńǵa deıin zertteý júrgizý múmkin bolady.

Radıonýklıdtik terapııa bólimshe­sinde qalqansha bezi isigin emdeýge ar­nal­ǵan ıod-131 qoldanylady. Munda jylyna 300-den astam pasıent em qabyl­daı alady. Densaýlyq saqtaý mınıstr­ligi elimizde radıofarmprepa­ratpen em alýdy qoljetimdi etý úshin Astana, Almaty, Shymkent, Semeı, Qaraǵandy men Aqtóbede qosymsha bólimsheler ashýdy josparlap otyr.

UǴOO elimizde alǵashqylardyń biri bolyp sáýlelik terapııada jasandy ıntellekt (JI) júıelerin engizýde. «Varian» kompanııasynyń EDGE men ETHOS júıeleri saý tin­derge áserdi azaıta otyryp, isik aımaǵyn joǵary dáldikpen nyqtaıdy.

Protondyq terapııa ortalyǵy – Ortalyq Azııada balamasy joq nysan. ProBeam 360 júıesimen jabdyqtalǵan ortalyq balalardaǵy kúrdeli isik túrlerin emdeýge óte qolaıly. Jylyna 1 myń pasıentke deıin qabyl­daı alady. Eki KT-sımýlıator men alǵash ret ornatylǵan MRT-sımýlıator arqyly joǵary dáldikti qamtamasyz etedi. Bul ortalyq medısınalyq týrızmdi de damytýǵa jol ashady.

Premer-mınıstr Nazarbaev Ýnıver­sıtetindegi jańa Bıomedı­sınalyq zertteý ortalyǵynyń jumysyna da baǵa berdi. 5,6 myń sharshy metr aýmaqta genomıka, mole­kýlıarlyq bıologııa, tindik ınjenerııa, regeneratıvti ári translıasııalyq medısına baǵyttarynda zertteýler júrgizilip jatyr.

Ortalyqtyń basty ereksheligi – halyqaralyq bıoqaýipsizdik standarttaryna saı jabdyqtalǵan vıvarıı. Ol AAALAC International akkredıtasııasyn alýǵa daıyndalyp jatyr. Bul otandyq ǵalymdarǵa dári-dármek ázirleýdiń jańa deńgeıine shyǵýǵa múmkindik beredi.

Úkimet basshysyna NU ekoj­úıe­sinde ázirlengen birneshe ınnovasııa­lyq joba tanystyryldy. ALEM qurylǵysy – donorlyq organdardy uzaq ýaqyt saqtaýǵa ári tasymaldaýǵa múmkindik beretin otandyq tehnologııa, óńirlik farmasevtıkalyq ortalyq qurý jospary – jańa preparattardy klınıkaǵa deıingi synaqtan ótkizýge baǵyttalǵan. Al robottandyrylǵan emdeý, qaldyqtardy bıologııalyq óń­deý, shemirshek regenerasııasy boıyn­sha zertteýlerde nazarǵa alyndy.

Oljas Bektenov medısınalyq teh­no­logııalar salasyndaǵy ǵylymı ju­mystyń mańyzyna toqtalyp, sala­lyq mınıstrlikterge otandyq ázir­leme­lerdi praktıkalyq qoldanýǵa engizý úshin qoldaý kórsetýdi tapsyrdy.

Úkimet basshysynyń sapary elimiz onkologııa, ıadrolyq medısına men bıomedısınalyq zertteýler salasynda serpindi damý jolyna túskenin kórsetti. Jasandy ıntellekt, protondyq terapııa, radıo­far­ma­sevtıka óndirisi, jańa ǵylymı ınf­raqurylym – bulardyń bar­lyǵy el azamattarynyń joǵary tehno­­lo­gııalyq, dál ári qoljetimdi medısı­nalyq kómek kórsetýge baǵyttalǵan.

Memleket medısınadaǵy ozyq tehnologııalardy ulttyq deńgeıde júıeli damytýǵa basymdyq berip otyr.