Foto: Ashyq derekkóz
О́rt sóndirý brıgadasy kelgende, úıdiń tolyǵymen jalynǵa oranǵany anyqtaldy. Qyzyl jalyn 360 sharshy metrdi sharpyǵan.
Qutqarýshylardyń aıtýynsha, órtti sóndirý kezinde úıden es-tússiz úsh adam evakýasııalanyp, jedel járdem brıgadasyna tapsyryldy. Ishinen toǵyz balany qosa alǵanda, on eki máıit tabyldy.
Qazirgi tańda órttiń sebebin anyqtaý úshin tergeý jumystary bastalyp, qylmystyq is qozǵaldy.
Qaıǵyly oqıǵaǵa qatysty Bala quqyqtary jónindegi ýákil Dınara Zákıeva áleýmettik jelidegi paraqshasynda qaza bolǵandardyń otbasyna kóńil aıtty.
«Túrkistan oblysy Jetisý aýdany Alǵabas aýylynda órt saldarynan 9 bala qaza boldy. Atalǵan úıde eki otbasy, ata-analary men balalary turǵan. Úıden órt shyǵyp, shatyry opyrylyp túsken. О́ńirlik ýákil Psıhologııalyq qoldaý ortalyǵy mamandarymen birge oqıǵa ornyna shyqty. О́rttiń shyǵý sebebi men mán-jaıy tergelip jatyr. Qaza bolǵandardyń týystaryna kóńil aıtamyz», dep jazdy Zákıeva.
Buǵan deıin, Memleket basshysy jeke úıde bolǵan órttiń saldarynan kóptegen adamnyń qaza tabýyna baılanysty kóńil aıtqan edi.
