Foto: ombudsmanbiz.kz
Usynys hatta aıtylǵandaı, bul shegerimderge tyıym salý jalpyǵa birdeı belgilengen salyq rejımi sýbektileri úshin shaǵyn bıznes ókilderimen yntymaqtastyqty ekonomıkalyq turǵyda tıimsiz etedi. Al ASR qoldanatyn kásiporyndardyń 70%-ynyń jalpyǵa birdeı belgilengen salyq rejımi boljamdy túrde aýysýy býhgalterlerdiń kóp márte jetispeýshiligi jaǵdaıynda salyq esebinde tehnıkalyq «jappaı kúıreýge» jáne kásiporyndardyń jabylýyna ákelýi múmkin.
Hatta salyqtyq shegerimderge tyıym salý quqyqtyq qaǵıdattardy buzatyny atap ótiledi.
«Birinshiden, bir mámile boıynsha salyqtyq júktemeniń negizsiz eki eselenedi (satýshy – ASR sýbektisi retinde aınalymnan alynatyn 4% quramynda korporatıvtik tabys salyǵyn da tóleıdi, al jalpyǵa birdeı belgilengen salyq rejımi sýbektisi – satyp alýshy osy mámile boıynsha salyq salynatyn tabysty esepteý kezinde salyqtyq shegerim quqyǵynan aıyrylady).
Ekinshiden, salyqtyq shegerimderge qabyldaýǵa tyıym salynǵan shyǵystar –bıznes salyq salynatyn tabysty esepteý kezinde qaı salyq rejıminde jumys isteıtinine qaramastan, kontragentterdiń mártebesine táýelsiz túrde shegerimge jatqyza alatyn naqty jumsalǵan shyǵyndar bolyp tabylady.
Úshinshiden, shaǵyn bızneske qatysty salyq salý rejımine baılanysty negizsiz teris kemsitýshilik zańnamanyń eń joǵary deńgeıinde engizilip otyr», delingen hatta.
Atalǵan hatta salyqtyq ákimshilendirýdiń balama tetikteri jónindegi kásipkerler qaýymdastyǵynyń usynystary da joldanǵan.
«Alternatıvti sharalardy iske asyrý jáne/nemese bızneske sharttar men operasııalyq modelderdi túzetý úshin jetkilikti ýaqyt berý maqsatynda shegerimderge tyıym salý normasyn keminde 18 aı merzimge keıinge qaldyryp engizý týraly zań jobasyn bastamalaý qajet», dep usynys bildirgen Qanat Nurov.
Senat Tóraǵasyna joldanǵan usynys hattyń tolyq nusqasy myna siltemede tur.
