Foto: Oblys ákimdigi
Qala turǵyndaryna qolaıly orta qalyptastyrý bastamasyna qosylǵan iri ınvestorlar: «Zerde Keramıka» JShS, «Anvar» JShS, «BS Holding» JShS, «Alıhan-Oıl» JShS, «Aqtóbe mys kompanııasy» JShS, «Center Group» JShS, «Maksımýs» JShS, «SentrKredıt Bank» AQF, «Gorilla Asia» JShS, «Rakhmet Group» JShS, «Dastan Group» JShS jáne «GRANT ADAL» JShS.
7 nysan paıdalanýǵa berilgen, al qalǵandaryna abattandyrýdyń sońǵy kezeńi júrgizilip jatyr.
Oblys ákimdiginiń málimetinshe, jýyrda aıaqtalǵan jobalardyń biri – qarasha aıynda Karǵaly turǵyn alabynda ashylǵan jańa skver. Onyń qurylysyna Aqtóbe oblystyq máslıhatynyń depýtaty, «Anvar» JShS-nyń bas dırektory Talǵat Salfıkov demeýshilik jasady. Skverdiń jalpy aýdany – 1,3 gektar. Aýmaǵynda shaǵyn fýtbol alańy, átkenshekter, yńǵaıly oryndyqtar jáne balalarǵa arnalǵan attraksıondar ornatylǵan. Otbasylyq demalys úshin qolaıly jaǵdaı jasalǵan.
