Foto: Ashyq derekkóz
TJM málimetinshe, sanıtarlyq reıs «Ulttyq shuǵyl medısınany úılestirý ortalyǵy» RMQK-nyń úılestirýimen uıymdastyryldy.
«Gıperbarııalyq ortalyq Shymkentte ornalasqandyqtan, al Jetisaı aýdanynda shuǵyl medısınalyq kómek kórsetýge qajetti arnaıy jabdyqtar jetkiliksiz bolǵandyqtan, naýqasty tasymaldaý qajet boldy», delingen habarlamada.
Esterińizge sala keteıik, keshe Túrkistan oblysy Jetisaı aýdanynyń Alǵabas aýylynda eki qabatty jeke turǵyn úı órtenip, 12 adam mert boldy. Onyń 9-y bala. Qyzyl jalyn 360 sharshy metrdi sharpyǵan.
Memleket basshysy jeke úıde bolǵan órttiń saldarynan qaza tapqandardyń týystaryna kóńil aıtty.
Sonymen qatar Prezıdenttiń tapsyrmasy boıynsha Túrkistan oblysy Jetisaı aýdany Alǵabas aýylyndaǵy jeke úıde bolǵan órttiń sebepterin tergeý jónindegi Úkimettik komıssııa quryldy.
Jeke turǵyn úıdegi órttiń saldarynan eki eresek jáne bir bala aýrýhanaǵa jetkizilgen. Qazir barlyǵy jansaqtaý bóliminde jatyr.
Qaza bolǵan balalardyń eń kishisi – 2024 jyly týǵan, qalǵandary – 2009, 2010, 2012, 2015, 2017, 2019 jáne 2021 jyldary dúnıege kelgen. Balalardyń beseýi bir otbasynan shyqqan – úsh qyz jáne eki ul. Basqa otbasynan 2018 jyly týǵan qyz bala aman qaldy. Oqıǵa ornynan sýretter jarııalandy.
Vıse-premer Qanat Bozymbaev órttiń sebepterin tergep-tekserý boıynsha qurylǵan Úkimettik komıssııa múshelerine birqatar tapsyrma berdi.
Buǵan deıin dál osy 12 adamnyń ómirin qıǵan órtten zardap shekken 1986 jylǵy er adam Shymkent qalasyndaǵy gıperbarııalyq oksıgenasııa ortalyǵyna jetkizilgen edi.
