– 22 qarasha kúni saǵat 01:06–da RP-217-ni qorektendiretin № 106 jáne № 210 uıashyqtary ajyrap, qosalqy stansııada tehnologııalyq aqaý tirkeldi. Oqıǵa ornyna operatıvtik-jedel brıgadalar 01:09–da kelip, RP-217 jumysynyń buzylǵanyn rastady, – delingen kompanııa habarlamasynda.
Kompanııa málimetinshe, qazirgi ýaqytta elektrmen jabdyqtaýdy qalpyna keltirý jumystary júrgizilip jatyr.
– Avarııa saldaryn joıýǵa operatıvtik-jedel qyzmettiń úsh brıgadasy, sondaı-aq Esil RES-iniń, synaq jáne dıagnostıka qyzmetiniń jáne kabeldik jeliler qyzmetiniń brıgadalary jumyldyryldy, – dep atap ótti mekeme.
Aqaý saldarynan birneshe turǵyn úı keshenderi jaryqsyz qaldy. Atap aıtqanda, «Zelenyı kvartal», «Aýra», «Asyl Mura», «Freedom», «GreenLine. Headliner Exclusive 1», «GreenLine Astra» jáne «GreenLine. Flora».
– Mınımaldy turmystyq qajettilikterdi qamtamasyz etý úshin dızel-generatorlyq qondyrǵylar qosyldy, – delingen habarlamada.
