Álııa Rústemova 1970 jyly Almaty oblysynda dúnıege kelgen. Almaty memlekettik medısına ýnıversıtetin, I.Jansúgirov atyndaǵy Jetisý memlekettik ýnıversıtetin támamdaǵan.
Eńbek jolyn 1992 jyly Talǵar aýdandyq aýrýhanasynda terapevt-dáriger bolyp bastaǵan. Almatydaǵy №7 emhanada, №5 qalalyq klınıkalyq aýrýhanada terapevt bolyp jumys istegen, sondaı-aq qaladaǵy medısınalyq ǵylymı uıymdarda ordınatýra men aspırantýradan ótken.
2000 jyldan bastap Talǵardaǵy medısınalyq mekemelerde bas dárigerdiń orynbasary, Almaty oblysy Densaýlyq saqtaý basqarmasynyń bas mamany, medısınalyq qyzmet kórsetý salasyn baqylaý komıtetiniń Almaty oblysyndaǵy aýmaqtyq bólimshelerinde basshylyq laýazymdardy atqarǵan.
Keıin Qyzylorda oblysy boıynsha Medısınalyq qyzmetterdi tóleý komıteti departamentiniń dırektory, Almaty qalasy Densaýlyq saqtaý basqarmasy basshysynyń orynbasary, Almaty qalasy boıynsha Medısınalyq jáne farmasevtıkalyq qyzmetti baqylaý komıteti departamentiniń dırektory, Astanadaǵy Travmatologııa jáne ortopedııa ǵylymı-zertteý ınstıtýtynda ınnovasııalyq damý bóliminiń meńgerýshisi, ǵylymı hatshy qyzmetterin atqarǵan.
2015-2022 jyldary Soltústik Qazaqstan oblysynda medısınalyq qyzmetti baqylaý jáne qoǵamdyq densaýlyqty qorǵaý salasyndaǵy departamentterdiń basshysy, basshysynyń orynbasary, Astanadaǵy Eńbek, áleýmettik qorǵaý jáne kóshi-qon komıteti departamenti basshysynyń orynbasary, sondaı-aq elorda Qoǵamdyq densaýlyq saqtaý basqarmasy basshysynyń orynbasary bolǵan.
2023 jyldyń qyrkúıeginen beri Astananyń Qoǵamdyq densaýlyq saqtaý basqarmasynyń basshysy qyzmetin atqardy.
