Bilim berý basqarmasynyń málimetinshe, onlaın-oqytý formatyna kóshý epıdemıologııalyq qaýiptiń aldyn alý maqsatynda qabyldanǵan. Aýylda tyshqan sanynyń kúrt artqany anyqtalyp, bilim berý mekemelerinde jappaı dezınfeksııa júrgizile bastaǵan.
Qashyqtan oqýǵa Baıtursynuly atyndaǵy mekteptiń 573 oqýshysy men Taldyqól mektebiniń 261 oqýshysy kóshirildi. Sonymen qatar "Baldyrǵan" jáne "Balaqaı" balabaqshalarynyń jumysy da ýaqytsha toqtatyldy. Bul mekemelerde tolyq sanıtarlyq óńdeý júrgizilip jatyr.
Vedomstvonyń málimetinshe, arnaıy qyzmetter dezınfeksııa jumystaryn bastap ketken.
Qaýip tolyq joıylǵannan keıin mektepter men balabaqshalar qalypty jumys tártibine qaıta oralady. Bilim basqarmasy jaǵdaıdyń tolyq baqylaýda ekenin málimdedi.
