Bul – 12 eldiń ónerpazdaryn biriktirgen alǵashqy azııalyq megajoba.
Brıfıngke qatysqan spıkerler:
– Erkejan Kúntýǵan, «Jibek Joly / Silk Way» telearnasynyń basqarýshy dırektory;
– Mıshel Jozef, Silk Way Star jobasynyń jeńimpazy (Mońǵolııa);
– Van Delý, CMG Eýrazııalyq bıýrosynyń bas redaksııa meńgerýshisi;
– Hýn Bın, qazylar alqasynyń múshesi (Qytaı);
– Shın Mın Chol, qazylar alqasynyń múshesi (Koreıa);
– Dato Danııa, qazylar alqasynyń múshesi (Malaızııa).
Uıymdastyrýshylar halyqaralyq qazylar alqasynyń baǵalary men kórermender daýys berýiniń nátıjesin usyndy. Daýys berýge túrli elderden 508 287 adam qatysty, bul aımaqtaǵy vokaldyq telejoba úshin eń joǵary kórsetkishterdiń biri jáne baıqaýǵa degen halyqaralyq qyzyǵýshylyqtyń aıqyn dáleli.
Fınaldaǵy oryndar aralas júıe boıynsha anyqtaldy: 50% – kórermen daýysy, 50% – qazylar alqasynyń baǵasy.
– Silk Way Star Azııanyń mádenı alýan túrliligin toǵystyrǵan alańǵa aınaldy. Joba mýzyka elder arasyndaǵy ózara túsinistikti tereńdetip, dıalogqa múmkindik beretinin kórsetti. Kórermenderdiń belsendiligi óńirde halyqaralyq formatqa degen qyzyǵýshylyqtyń joǵary ekenin dáleldeıdi, – dedi Erkejan Kúntýǵan.
Kórermen daýys berýiniń qorytyndysy:
– Mıshel Jozef (Mońǵolııa) – 112 241 daýys
– Madınaboný Adylova (О́zbekstan) – 85 443
– Chjan He Sıýan (Qytaı) – 73 662
– Iаzmın Azız (Malaızııa) – 73 609
– Saro Gevorgıan (Armenııa) – 73 160
– Avtandıl Abeslamıdze (Grýzııa) – 46 027
– ALEM (Qazaqstan) – 32 145
Barlyǵy 43 eldiń azamattary óz favorıtterine daýys berdi. Eń kóp daýys Qazaqstan, Qytaı, Mońǵolııa, AQSh, Reseı, Túrkııa, Germanııa, Sıngapýr, Indonezııa, О́zbekstan, Grýzııa jáne Malaızııadan keldi.
Jobanyń fınaly Qazaqstanda Jibek Joly telearnasynda tikeleı efırde kórsetildi. Sonymen qatar, Qyrǵyzstanda «Mýzyka» jáne «Madanııat», Ázerbaıjanda Space TV, Tájikstanda TV Safına, Mońǵolııada UBS jáne AIST GLOBAL arnalarynan parallel efırler uıymdastyryldy. Barlyǵy fınaldy álem boıynsha TV men strımıngtik servısterde shamamen 120 mln kórermen tamashalady.
