Ońtústik Qazaqstan oblysyna jańa ákim taǵaıyndaldy

ShYMKENT. 8 tamyz. Ońtústik Qazaqstan oblysynyń ákimi bolyp Beıbit Atamqulov taǵaıyndaldy. Bul týraly egemen.kz habarlady. Eske sala keteıik, memleket basshysy Nursultan Nazarbaev oblystyń burynǵy ákimi Asqar Myrzahmetovti búgin «Nur Otan» partııasy tóraǵasynyń birinshi orynbasary etip taǵaıyndaǵan bolatyn. Buǵan deıin Beıbit Atamqulov ınvestısııalar jáne damý mınıstrliginiń jaýapty hatshysy qyzmetin atqardy. Beıbit Bákiruly Atamqulov 1964 jyly 19 mamyrda Almaty oblysynda týǵan. Injener-metallýrg, ekonomıst. 1986 jyly Lenın atyndaǵy Qazaq polıtehnıkalyq ınstıtýtyn, 2000 jyly Sankt-Peterbýrg ekonomıka jáne qarjy memlekettik ýnıversıtetin bitirgen. Ekonomıka ǵylymdarynyń kandıdaty. 1985 jyldan – Zavenıagın atyndaǵy Norılsk taý-ken metallýrgııa kombınatynyń jez balqytý zaýytynda balqytýshy. 1986 jyldan – Shymkent qorǵasyn zaýytynyń balqytýshysy, sheber, rafırlengen sehtyń aǵa sheberi. 1991 jyldan 2006 jylǵa deıin jeke sektorda – ónerkásip kásiporyndarynda jumys atqardy. 2006 jyldan – keńesshi, Reseıdegi Qazaqstan elshisiniń elshi-keńesshisi. 2007 jyldan – Irandaǵy Qazaqstan elshisiniń elshi-keńesshisi. 2008 jyldan – Maındaǵy Frankfýrt qalasyndaǵy Qazaqstannyń bas konsýly. 2010 jyldan – Malaızııa, Indonezııa respýblıkasy, Brýneı-Darýssalam, Fılıppın respýblıkasynda Qazaqstannyń tótenshe jáne ókiletti elshisi. 2012 jyldan – ındýstrııa jáne jańa tehnologııalar mınıstrliginiń jaýapty hatshysy. Al 2014 jyldan ınvestısııalar jáne damý mınıstrliginiń jaýapty hatshysy boldy. Baqtııar Taıjan. Derek, sýret: egemen.kz.