Almaty ákimi Darhan Satybaldy ǵylym mýzeıiniń qurylys barysy men iske asyrýǵa daıyndyqqa arnalǵan keńeste jumys barysyn talqylady. Qazirgi ýaqytta ǵımarattyń ınjenerlik júıeleri men konstrýksııalaryn montajdaý jalǵasyp, shyny kúmbez ornatý, ekspozısııa elementteri men mýltımedııalyq ınstallıasııalar ázirlenip jatyr.
Mýzeı balalardyń ǵylym men tehnologııaǵa qyzyǵýshylyǵyn arttyrýǵa baǵyttalǵan jańa bilim berý keńistigine aınalady. Munda ınklıýzıvti baǵyttaǵy jobalar bar. Qala basshysy atap ótkendeı, mýzeı balalardyń ǵylymǵa qyzyǵýshylyǵyn oıatyp, zertteýshilik qabiletin arttyrýǵa yqpal etedi. Mýzeı ulttyń zııatkerlik bolashaǵyn qalyptastyrýǵa baǵyttalǵan ıgi jobalardyń biri retinde jalǵasatyn bolady. Interaktıvti keńistik balalardyń ǵylym, tehnologııa, ınjenerııa jáne matematıka salalaryna qyzyǵýshylyǵyn erte jastan damytady.
Qazirgi kezde mýzeı kontentin ázirleý boıynsha jumystar, ıaǵnı fokýs-toptar uıymdastyrylyp, saraptamalyq talqylaýlar ótkizilýde. Qala basshylyǵy mýzeı mazmunyna erekshe kóńil bólip jatyr. Munda mańyzdy baǵyttardyń biri balalarǵa qaýipsiz minez-qulyq daǵdylaryn qalyptastyrýǵa arnalǵan bilim berý anımasııasy men ınteraktıvti baǵdarlamalar kesheni. Mýzeı ǵylymı-aǵartýshylyqpen birge áleýmettik mańyzy bar ortalyqqa aınalmaq.
Bolashaq mýzeıdiń operasııalyq modeli de qalyptastyrylǵan. Ishki reglamentter, standarttar, rásimder jáne laýazymdyq nusqaýlyqtar ázirlendi. Qyzmetkerlerdi daıarlaý men halyqaralyq tájirıbeni zerdeleýde Singapore Science Centre ortalyǵynyń tájirıbesi de qarastyrylǵan.
Josparǵa sáıkes mýzeı kelesi jyldyń maýsymynda ashylady. Qala basshysy balalarǵa arnalǵan bul keńistiktiń mazmuny men qurylysy tolyqtaı balalardyń qajettilikterine baǵyttalýy, barlyq sapa jáne qaýipsizdik talaptaryna saı bolýy kerektigin atap ótti. Almaty ákimi qurylys barysyna, merzimniń saqtalýyna jáne mýzeıdi mazmunmen tolyqtyrýǵa qatań baqylaýdy qamtamasyz etýdi tapsyrdy. Sondaı-aq nysannyń balalarǵa arnalǵan eń úzdik ǵylymı bilim berý ortalyqtarynyń biri bolatyndyǵyna senim bildirdi.
ALMATY
