Kollajdy jasaǵan Qonysbaı ShEJIMBAI, «EQ»
О́zbekstanmen shekarada ornalasqan «Ortalyq Azııa» ónerkásiptik kooperasııa ortalyǵyna bıylǵy 31 naýryzda «Turan» arnaıy ekonomıkalyq aımaǵy mártebesi berildi. Qurylystyń birinshi kezeńinde 100 gektar aýmaqta segiz óndiristik ǵımarat boı kóterip, jol men ınjenerlik ınfraqurylym júrgizilip jatyr. Jumys jyl sońyna deıin tolyǵymen aıaqtalady.
«Al ekinshi kezeńde polı-vınıl-hlorıd (PVH) ónimderi, tamshylatyp sýarý júıeleri, aýyl sharýashylyǵy daqyldaryn qaıta óńdeý baǵytyndaǵy 7 joba júzege asady. Buǵan qosa ındýstrııalyq park salý kózdelgen. Jalpy 185,1 mlrd teńge ınvestısııa tartylyp, 1150 jumys orny ashylady. Ortalyq kelesi jyly iske qosylady», dedi Saýda jáne ıntegrasııa mınıstri Arman Shaqqalıev
Oral áýejaıy mańynda ornalasqan «Eýrazııa» transshekaralyq saýda ortalyǵyn» «Aqjaıyq» áleýmettik-kásipkerlik korporasııasy basqarady. Batys Qazaqstan oblysynda quny shamamen 140 mlrd teńge bolatyn qurylys materıaldary, jıhaz, shyny, munaı-gaz jabdyqtary men plastmassa óndirisine qatysty 16 joba iske qosylmaqshy.
Ataqty Qorǵas kesheni eki arnaıy ekonomıkalyq aımaqtan turady. «Qorǵas» «Qorǵas» Halyqaralyq shekara mańy yntymaqtastyq ortalyǵy arnaıy ekonomıkalyq aımaǵy aýmaǵynda jalpy quny 234,4 mlrd teńgeni quraıtyn 41 joba josparlanǵan. Onyń 8-i iske qosyldy, qalǵany 2027 jylǵa deıin aıaqtalady.
«Qorǵas – Shyǵys qaqpasy» aımaǵynda 64 qatysýshy tirkelgen. Munda 58,6 mlrd teńgeniń 32 jobasy júzege asyrylyp, 2300 jumys orny quryldy. Taǵy 848,6 mlrd teńgelik 32 joba daıyndyq ústinde. Olardyń qatarynda jel energetıkasy qondyrǵylaryn, energııa saqtaý júıelerin, metall buıymdaryn, kofe men shaı ónimderin shyǵaratyn zaýyttar bar.
Infraqurylymdy kúsheıtý jobalary atalǵan ortalyqtardyń ótkizý qabiletin arttyryp, óńiraralyq saýda men óndiristik kooperasııany keńeıtýge múmkindik beredi.
