Investısııalyq bank JPMorgan aldaǵy jyldary baǵanyń budan da qatty quldyraýy múmkin ekenin eskertti. Sarapshylardyń boljamynsha, álemdik naryqta usynystyń suranystan aıtarlyqtaı jyldam ósýi qurylymdyq teńsizdik qalyptastyryp otyr.
JPMorgan málimetine sáıkes, 2025-2026 jyldary munaıǵa degen suranys ósimine qaramastan, usynys úsh ese jyldamyraq ulǵaıady. Bul jaǵdaı naryqta artyq munaıdyń jınalýyna alyp keledi. Banktiń esebinde 2026 jyly Brent baǵasy barreline 60 dollardan tómendeýi múmkin, jyl sońyna qaraı 50 dollarǵa deıin túsý yqtımaldyǵy aıtylǵan.
2027 jyly ortasha baǵa 42 dollar shamasynda bolýy múmkin, al jyl sońynda 30 dollarǵa deıin tómendeıtin ssenarıı qarastyrylǵan.
Sarapshylardyń baǵalaýy boıynsha, usynys artyǵy 2026 jyly táýligine 2,8 mln barrelge, 2027 jyly 2,7 mln barrelge deıin jetýi múmkin.
О́simniń negizgi bóligi OPEK+ quramyna kirmeıtin óndirýshilerge, sonyń ishinde AQSh-qa tıesili.
JPMorgan bul boljam joǵary usynys aıasynda naryqtyń tepe-teńdigi saqtalmaǵan jaǵdaıda oryn alýy múmkin dep atap ótti.
