Qyzmet bıyl qyrkúıekte iske qosylǵan. Qazirgi tańda biryńǵaı QR-ǵa 6 qazaqstandyq bank qosyldy. Júıe arqyly kez kelgen banktiń qosymshasynan tólem jasaýǵa bolady. Bul bızneske birneshe termınal ustaýdyń qajeti joq ekenin, al qoldanýshylar jabdyqtardyń bir-birimen úılesimdiligine táýeldi bolmaıtynyn bildiredi. Derekterdiń qaýipsizdigi qosarlanǵan shıfrlaý arqyly qorǵalǵan.
Mamannyń aıtýynsha, kelesi jyly barlyq qarjy uıymdaryn biryńǵaı mobıldi tólem júıesine tolyq qosý josparlanyp otyr. Al transshekaralyq tólemderdi 2026 jyldyń sońyna deıin ashý kózdelgen. Bul qazaqstandyqtardyń shetelde tólem jasaýyn jeńildetip, elge keletin týrıster úshin de qolaıly bolmaq.
Qazir Túrkııa jáne Taılandpen kelisimder pysyqtalyp jatyr. Sonymen qatar, tórt elmen – Qytaı, Úndistan, Qyrǵyzstan jáne BAÁ transshekaralyq QR tólemderine qatysty tehnıkalyq jáne quqyqtyq taldaý júrgizilýde.
«Biz dál qazir transshekaralyq bankaralyq QR-kod boıynsha tólemderdi iske qosý baǵytynda jumysty bastadyq. Taldaý nátıjesi boıynsha el turǵyndary eń kóp baratyn jáne bizge eń kóp týrıst keletin tórt el – Qytaı, Úndistan, Qyrǵyzstan jáne BAÁ negizgi baǵyt retinde belgilendi», dedi Raıymbek Shaımerdenov.
