Jeke mektepterge jańa júıe engiziledi

Oqý-aǵartý mınıstr­ligi­niń deregine súıensek, keıin­gi jyl­dary elimizde jeke­menshik mektepterdiń sany shamamen myńǵa jýyqtap qaldy. Bilim salasyndaǵy jeke bıznestiń ulǵaıýy – jaqsy úrdis. Alaıda qazir memlekettik tapsyrysty alý tártibinde shıkilik bar. Osyǵan deıin júrgizilgen taldaý jumysynyń nátı­jesinde jekemenshik mektep­terdegi oqýshylardy esepke alý men qarjylandyrý bo­ıynsha sáıkessizdik anyq­taldy. Ulttyq bilim derek­qorynda memleket esebinen qarjylandyrylatyn oqý ornynda tirkelgen balalardyń is júzinde múldem basqa mektepte oqıtyny belgili boldy. Al jekelegen óńirlerde keıbir mektepter oqýdan shyǵyp ketken oqýshylar úshin de aqsha alyp otyrǵan. Sondaı-aq bilim qyzmetine qatysy joq memlekettik satyp alý júıesinde tirkelgen uıymdar anyqtaldy. Munyń barlyǵy júıege reforma qajet ekenin baıqatyp otyr.

Túıtkildi máselelerdi sheshý maq­sa­tynda Qarjy mınıstr­ligine qarasty «Aqparattyq-esepteý ortalyǵy» AQ jańa aqparattyq júıeni ázirledi. Atal­­ǵan tehnologııa E-Qazyna.kz plat­­formasyna engizilgen ári paı­da­laný­shylardyń jumysyn je­ńil­detý­men qatar derekterdiń durys­tyǵyn ba­qy­laý­dy kúsheıtedi. Júıe­de oqýshylardyń sany men kontıngenti, ruqsat qujatta­ry­nyń bar-joǵy avtomatty túrde tek­serilip, bilim salasyndaǵy aqparat­tyq júıe­lermen birtutas bolady. Al qanatqaqty jobanyń opera­to­ry Biryńǵaı ákimshilik bas­qarýdy qam­tamasyz etýge Qarjy mınıstrliginiń «Qarjy ortalyǵy» AQ bekitildi. Ortalyq uıymdastyrý-ádiste­melik qoldaýdy júzege asyryp, qatysýshylarǵa keńes berý, monıtorıng júrgizý, qabyldanǵan aktilerge sáıkes tólem júrgizý qyzmetterin atqarady.

Osy jobany iske asyrýdaǵy negizgi ról jergilikti atqarýshy organdarǵa, sonyń ishinde bilim basqarmalaryna júktelip otyr, olar memlekettik tapsyrystardy ornalastyryp, qorytyndy esepterdi bekitedi. Sondaı-aq kelisim­shart­tar jasap, «www.e-Qazyna.kz» veb-portaly arqyly kórsetilgen qyzmet týraly aktilerdi qabyldaıdy.

Kelesi kezeńde bul júıege bilim salasyn­daǵy basqa da memlekettik qar­jy­lan­dyrý quraldaryn – granttardy, shá­kirt­­aqylardy, jataqhanada oryn­dar­men qamtamasyz etý jáne basqa da qol­daý túrin biriktirý kóz­delgen. Jańa júıe 12 qarashadan iske qosyldy.