О́zbekstannyń Úrgenish qalasynda kópir qulap, adamdar qaza tapty

ASTANA. 10 tamyz. О́zbekstandaǵy Hıýa oblysynyń ortalyǵy – Úrgenish qalasyndaǵy parkte konsert kezinde kópir qulap ketip, adamdar qaza tapty. Bul týraly О́zbekstan respýblıkalyq tótenshe jaǵdaılar mınıstrligine silteme jasaǵan ras.kz habarlandy. «О́zbekstannyń Horezm oblysyndaǵy Úrgenish qalasynyń mádenıet jáne demalys parkinde konsert kezinde jurttyń kóp jınalyp qalýynan kópirdiń tor jaqtaýlarynyń bir bóligi sógilip ketti. Nátıjesinde onyń ústinde turǵan kisiler kólge qulady. Arasynda qaza tapqandar da bar», – delingen habarlamada. Biraq qaza tapqandardyń naqty sany aıtylǵan joq. Tótenshe jaǵdaılar mınıstrliginiń málimeti boıynsha, bolǵan oqıǵanyń sebebin jan-jaqty zerttep, onyń zardaptaryn joıý úshin úkimet komıssııasy qurylǵan. Osymen bir mezgilde «Ozodlık» («Azattyq» radıosynyń ózbek redaksııasy) tilshisi kópirdiń jaqtaýy opyrylyp ketýi saldarynan bolǵan apatta kem degende 15 adamnyń qaza tapqanyn jazady. Al oqıǵa 8 tamyz kúni, saǵat 19:00 shamasynda oryn alǵan. Sol kezde Horezm oblysynyń tanymal ánshisi Navrýza Sobırova óner kórsetip jatqan. Insıdent oryn alǵan parktiń aty «Jastar kóli» («Ioshlar kўlı») dep atalady eken. Talǵat Raıymbek. Derek, sýret: ras.kz.