Foto: Turizm jane sport ministrligi
Medal sany boıynsha eń úzdik kórsetkishti tirkegen sýrdo dzıýdoshylar 5 altyn, 2 kúmis, 4 qola júldege qol jetkizip, jalpykomandalyq esepte birinshi oryn aldy. Osylaısha, elimizdiń sýrdo dzıýdo tarıhyndaǵy eń joǵary nátıjemen tarıhı ári rekordtyq jetistikke qol jetkizildi.
Al, erkin kúres sheberleri 1 altyn, 1 kúmis, 3 qola medal ıelenip, grek-rım kúresiniń ókilderi tolyq medal jıyntyǵyn (altyn, kúmis, qola) enshiledi.
Jeńil atletıkadan Qazaqstan quramasy 1 altyn jáne 1 qola medal ıelendi. Faına Meıirmanova bıiktikke sekirý saıysynda 1,79 metr nátıjemen Sýrdlımpıada chempıony atanyp, jarystyń rekordyn jańartty.
Al, taekvondo sheberleri 3 qola medal salsa, ústel tennısinen erler quramasy komandalyq esepte qola júldeger atandy.
Sala mınıstrligine qarasty Sport jáne dene shynyqtyrý isteri komıteti tóraǵasynyń orynbasary Nurlan Esembaevtyń aıtýynsha, jarystyń alǵashqy kúninen Qazaqstan quramasy úzdik 5 eldiń qatarynan kórindi.
«Bul – múmkindigi shekteýli jandar sportynyń júıeli damyp kele jatqandyǵynyń ári memlekettik qoldaýdyń nátıjesi. Sportshylarymyzdyń áleýetin arttyrýǵa jáne joǵary nátıjelerge jetýine jan-jaqty qoldaý kórsetýdi jalǵastyramyz», dedi N.Esembaev.
Mınıstrliktiń málimetinshe, baıraqty básekede 81 elden kelgen 3 000-ǵa jýyq sportshy 21 sport túri boıynsha 209 dıssıplınada ózara myqtyny anyqtaǵan. Qazaqstan quramasynan 78 sportshy 8 sport túrinen saıysty.
