Foto: Qazaqstan qarjygerler qaýymdastyǵy
Bank ókilderiniń aıtýynsha, mundaı sheshim Memleket basshysynyń tapsyrmasyna sáıkes jáne bank áleýmettik jaýapkershilik saıasaty aıasynda qabyldanǵan. Merziminen buryn óteýge banktiń turaqty qarjylyq jaǵdaıy men tıimdi jumysy múmkindik berip otyr. 1 qazanǵa deıingi jaǵdaı boıynsha banktiń aktıvteri 3%-ǵa ósip, 550 mlrd teńgege jetken.
Nurbank sapaly kredıttik portfel kórsetip otyr: NPL deńgeıi ruqsat etilgen 10%-ben salystyrǵanda 6,8%-ǵa deıin tómendedi. Prosenttik kirister 14%-ǵa artqan, sonyń nátıjesinde taza paıda 12%-ǵa ósken. Banktiń menshikti kapıtaly 8%-ǵa kóbeıip, 76 mlrd teńgeni qurady.
Bank basqarmasynyń tóraǵasy Gúlnar Musataevanyń aıtýynsha, Nurbank jańa damý strategııasyn iske asyryp otyr. Onyń basty baǵyttary – sıfrlyq transformasııa, tranzaksııalyq bıznesti keńeıtý, digital-sheshimderdi kúsheıtý jáne shaǵyn jáne orta bıznesti qoldaý.
Qarjy uıymy memlekettik qoldaý retinde berilgen qarajatty merziminen buryn qaıtarý mindettemesine adal ekenin atap ótti. Degenmen, mundaı tólemderdiń kólemi men merzimi banktiń qarjylyq nátıjelerine baılanysty júzege asyrylady. Qazirgi tańda Nurbank senimdi ósim kórsetip, memleket aldyndaǵy mindettemelerin ýaqytynan buryn oryndaýǵa múmkindik alyp otyr.
AO «Nurbank» 2020 jyldyń 3 aqpanynda berilgen QR Qarjy naryǵyn retteý jáne damytý agenttiginiń №1.2.15/193 lısenzııasyna ıe.
