Foto:depositphotos.com
Aıdyń basty merekesi – 16 jeltoqsan, Táýelsizdik kúni
Aıtýly kún bıyl seısenbige sáıkes kelip turǵandyqtan otandastarymyz aptanyń ortasynda qosymsha demalady. Bul kún barlyq azamattar úshin resmı túrde jumys istemeıtin kún.
31 jeltoqsan – jumys kúni
Bul kún – jumys kúni bolyp qala beredi. Áleýmettik jelilerde 31 jeltoqsandy resmı demalys etý týraly pikirler jıi aıtylǵanymen, Eńbek jáne halyqty áleýmettik qorǵaý mınıstrligi bul kún memlekettik merekeler tizimine kirmeıtinin, sondyqtan ony demalys dep jarııalaý ázirge oryndy emes ekenin málimdedi.
Jeltoqsandaǵy kásibı merekeler
Táýelsizdik kúninen bólek, jeltoqsan aıynda otandastarymyz birneshe kásibı merekeni atap ótedi:
5 jeltoqsan – Advokatýra kúni,
6 jeltoqsan – Prokýratýra qyzmetkerleri kúni,
13 jeltoqsan – Qylmystyq-atqarý júıesi qyzmetkerleri kúni,
20 jeltoqsan – Qazaqstannyń Memlekettik feldeger qyzmeti kúni,
22 jeltoqsan – Energetıkter kúni jáne Arhıvıst kúni.
