Foto: Zakon.kz
Zeınetaqy aktıvteriniń qysqa merzimdi jeke kezeńderdegi kiristiligi olardy basqarý tıimdiliginiń kórsetkishi bola almaıdy. О́ıtkeni qarjy quraldary men basqa operasııalar boıynsha syıaqy túrindegi qysqa merzimde eseptelgen kirister osy kezeńdegi baǵaly qaǵazdar men valıýta baǵamdarynyń ózgerýin árdaıym jaba bermeıdi. Sondyqtan ınvestısııalyq kiristiń mólsherin obektıvti taldaýdy kem degende 1 jyldyq kórsetkish boıynsha jasaǵan jón.
2024 jyldyń qarashasynan bastap 2025 jyldyń qazanyna deıingi 12 aı ishinde eseptelgen ınvestısııalyq kiris mólsheri shamamen 2,82 trln teńge boldy, osy kezeńdegi kiristilik – 12,58%. 2025 jylǵy 1 qarashadaǵy jaǵdaı boıynsha jumys berýshiniń mindetti zeınetaqy jarnalary (JMZJ) esebinen zeınetaqy aktıvteriniń kiristiligi sońǵy 12 aıda 7,51% qurady.
Orta jáne uzaq merzimdi keleshekte zeınetaqy jınaqtarynyń oń naqty (jınaqtalǵan ınflıasııadan asatyn) tabystylyǵy qamtamasyz etiledi. Máselen, 1998 jyly jınaqtaýshy zeınetaqy júıesi qurylǵan sátten bastap 2025 jylǵy 1 qarashaǵa deıin jınaqtalǵan ınvestısııalyq kiristilik 1062,38% boldy, al búkil kezeńdegi ınflıasııa 925,20%.
Eske salaıyq, Qazaqstanda ınflıasııa deńgeıin eskere otyryp, mindetti zeınetaqy jarnalarynyń saqtalýyna biregeı kepildik beriledi. Salymshynyń tólemge quqyǵy bastalǵan kezde jınaqtalǵan kiristiligine keri áserin tıgizgen jekelegen kezeńderdegi kiristiliktiń tómendeýi jaǵdaıynda aıyrmanyń ótemaqysyna memleket kepildik beredi.
Zeınetaqy aktıvterin ınvestısııalyq basqarý men esepke alý júıesi tolyqtaı ashyq: árbir salymshynyń enpf.kz saıtyndaǵy nemese uıaly qosymshadaǵy jeke kabınetinen óziniń ınvestısııalyq kirisin kórýge múmkindigi bar.
BJZQ zeınetaqy aktıvterin ınvestısııalyq basqarý jáne olar ornalastyrylǵan qarjy quraldary týraly aqparat Qordyń enpf.kz resmı saıtyndaǵy «Statıstıka jáne analıtıka/Zeınetaqy aktıvterin ınvestısııalyq basqarý» bóliminde jarııalanady.
